شىعىس قازاقستان وبلىستىق قۇرىلىس باسقارماسىنىڭ باسشىسى سەرىك تولەنبەرگەنوۆ وبلىستىق اقپارات ورتالىعىنا كەلىپ، باق وكىلدەرىنە سالادا بولىپ جاتقان وزگەرىستەر جايىندا بايانداپ، جۋرناليستەردىڭ ساۋالدارىنا جاۋاپ بەردى.
اعىمداعى جىلى وبلىس بويىنشا 34,5 ملرد. تەڭگەگە 133 الەۋمەتتىك ماڭىزعا يە نىسان سالىنىپ جاتقانىن ايتقان باسقارما باسشىسى ولاردىڭ 58-ءى جىل اياعىنا دەيىن قولدانىسقا بەرىلەتىنىن مالىمدەدى.

شىعىس قازاقستان وبلىستىق قۇرىلىس باسقارماسىنىڭ باسشىسى سەرىك تولەنبەرگەنوۆ وبلىستىق اقپارات ورتالىعىنا كەلىپ، باق وكىلدەرىنە سالادا بولىپ جاتقان وزگەرىستەر جايىندا بايانداپ، جۋرناليستەردىڭ ساۋالدارىنا جاۋاپ بەردى.
اعىمداعى جىلى وبلىس بويىنشا 34,5 ملرد. تەڭگەگە 133 الەۋمەتتىك ماڭىزعا يە نىسان سالىنىپ جاتقانىن ايتقان باسقارما باسشىسى ولاردىڭ 58-ءى جىل اياعىنا دەيىن قولدانىسقا بەرىلەتىنىن مالىمدەدى.

ەلباسى نۇرسۇلتان نازارباەۆتىڭ ۇكىمەتتىڭ كەڭەيتىلگەن ماجىلىسىندە ايتقان سىن-ەسكەرتپەلەرىنىڭ اتالمىش سالاعا قاتىستى تۇستارىنىڭ ورىندالۋ بارىسى تۋرالى دا ايتىلدى. «قولجەتىمدى باسپانا-2020»، «100 مەكتەپ، 100 اۋرۋحانا»، «بالاپان» باعدارلامالارىنىڭ ورىندالۋ بارىسى ەرەكشە نازاردا ەكەنىن ايتقان سەرىك تولەنبەرگەنوۆ وسى باعىتتاعى شارۋالاردىڭ تۇيتكىلدى تۇستارى قالاي شەشىلىپ جاتقانىنان دا اقپار بەردى. «قولجەتىمدى باسپانا» بويىنشا 41 تۇرعىن ءۇيدىڭ قۇرىلىسىنا 9321,8 ملن. تەڭگە بولىنگەن. سول ۇيلەردىڭ 22-ءسى جىل اياعىنا دەيىن پايدالانۋعا بەرىلۋى ءتيىس. بۇگىنگە دەيىن قولدانىسقا بەرىلگەن باسپانانىڭ كولەمى 147 مىڭ شارشى مەترگە جەتسە كەرەك. بۇل وتكەن جىلمەن سالىستىرعاندا 30,5 پايىز ارتىق. باعدارلاما قارقىنىن ارتتىرۋ ماقساتىندا جانە ءبىر ءتيپتى الەۋمەتتىك نىسانداردىڭ ءار جەردە ءارتۇرلى شىعىنمەن سالىناتىنى جونىندە ەلباسى ايتقان ەسكەرتپەلەردىڭ ورنىن تولتىرۋ ءۇشىن سەمەيدە سالىنىپ بىتكەن قۇرىلىس ماتەريالدارىنىڭ كومبيناتىنا ەرەكشە كوڭىل بولىنە باستاعان. مۇنداي كومبينات جۋىقتا وبلىس ورتالىعىندا دا قولدانىسقا بەرىلەدى. مەملەكەت باسشىسىنىڭ تيپتىك ءبىلىم وشاقتارىنا قاتىستى تاپسىرمالارىن ورىنداۋ ماقساتىندا عىلىمي-تەحنيكالىق كەڭەس قۇرىلىپ، جۇمىسىن باستاعان. بۇل كەڭەس كەز كەلگەن ءبىلىم نىسانىن سالماس بۇرىن ونداعى حالىقتىڭ ءوسىم مولشەرىن، كەلەشەگى مەن ورتالىقتاردان قانشالىقتى شالعاي جاتقانىن ەسكەرە وتىرىپ، جوبالارعا تۇزەتۋ ەنگىزەتىن بولادى.

«100 مەكتەپ، 100 اۋرۋحانا» باعدارلاماسىنىڭ شەڭبەرىندە 5 نىسان سالىنعان. جالپى، اعىمداعى جىلى 20 مەكتەپتىڭ قۇرىلىسى باستالىپ، ونىڭ 14 مەرزىمىندە اياقتالىپ وتىر. جوسپارلانعان بەس دەنساۋلىق ساقتاۋ مەكەمەسىنىڭ تەك ۇشەۋى قولدانىسقا بەرىلگەن. قالعان ەكەۋى 2014-2015 جىلدارى سالىنىپ ءبىتۋى ءتيىس. «350 دەنساۋلىق ساقتاۋ نىسانىنىڭ قۇرىلىسى» باعدارلاماسى بويىنشا 29 اۋىلدىق دارىگەرلىك امبۋلاتوريا سالۋ جوسپارلانعان. بيىلدىڭ وزىندە توعىز امبۋلاتوريانىڭ قۇرىلىسى ءجۇرىپ جاتسا، كەلەر جىلى وسىنداي 11 نىساننىڭ قۇرىلىسى باستالماق. «بالاپان» باعدارلاماسى بويىنشا سالىنعان التى بالاباقشا بۇگىندە ەل يگىلىگىنە قىزمەت ەتۋدە.

سەرىك تولەنبەرگەنوۆ مەرزىمىنەن كەشىككەن نىسانداردىڭ بۇگىنگى جايىنا دا توقتالدى. اپاتتىق مەكتەپتەردى اۋىستىرۋى ءتيىس ءتورت نىسان بيىل اياقتالمايتىنى بەلگىلى بولىپ، ءىس سوتقا تاپسىرىلعان. ءۇرجار مەن كۇرشىم اۋدانىنىڭ اۋماعىنداعى بۇل مەكتەپتەرگە باسقا مەردىگەرلەر تارتىلماق. ال وبلىس ورتالىعىنداعى قان ورتالىعى مەن گلۋبوكوە اۋدانىنداعى ورتالىق اۋرۋحانانىڭ قۇرىلىسىن قۇردىمعا جىبەرگەن «قۇماروۆ ي ك» كومپانياسى ىقىلاسسىز مەردىگەرلەر تىزىمىنە ءىلىنىپ، سەرىكتەستىك باسشىسى قاماققا الىنعان. گلۋبوكوە اۋداندىق اۋرۋحاناسىنىڭ قۇرىلىسىن اياقتاۋ قۇقىعىنا يە بولعان «ەلحون» جشس نىساننىڭ جەكەلەگەن كەشەندەرىن بيىلعى جىلدىڭ اياعىنا دەيىن، قالعان بولىگىن كەلەر جىلدىڭ باسىندا پايدالانۋعا بەرۋى ءتيىس. قازاق دراما تەاترىنىڭ قۇرىلىسى دا كەلەر جىلى اياقتالماق. بۇگىندە ول نىسانعا قاتىستى بارلىق كەدەرگىلەر جويىلعان. ال بيزنەستىڭ الەۋمەتتىك جاۋاپكەرشىلىگى اياسىندا قولعا الىنعان جەڭىل اتلەتيكا مانەجى مەن جەكپە-جەك سارايىنىڭ قۇرىلىسى جىل اياعىنا دەيىن اياقتالادى دەپ كۇتىلسە، جابىق باسسەين كەشەنى كەلەر جىلدىڭ ەنشىسىنە قالىپ وتىر.
Abai.kz