قازاقستاندىق بيزنەسمەن دانيار ابىلعازين گرەكيادا "پەرسەفوني 1" ياحتاسىن جالعا العانىن راستادى. بۇل تۋرالى ازاتتىق راديوسى جازدى. 

بۇل ياحتانىڭ ەكيپاجى 21 ماۋسىمدا گرەكيالىق گيدرا ارالىنداعى ورتكە بايلانىستى ۇستالعان ەدى.

اقپاراتقا قاراعاندا، ياحتادان اتىلعان وتشاشۋ ورتكە سەبەپ بولعان. بيزنەسمەننىڭ مالىمدەمەسىن Forbes Kazakhstan جۋرنالى جاريالادى.

وندا ابىلعازين گرەكيا ارالىنداعى ورتكە بايلانىستى "وكىنىشىن بىلدىرگەن".

ول گرەكيا ارالىندا قوناقتارىنا كرۋيز ۇيىمداستىرۋ ءۇشىن ياحتانى 15-22 ماۋسىمدا جالعا العانىن ايتقان.

"22 ماۋسىمدا گرەكيادان قايتار كەزىندە سول ەلدىڭ بيلىك وكىلدەرى بىزبەن سويلەستى، بىراق ماعان يا مەنىڭ قوناقتارىما ەشقانداي ايىپ تاقپادى. سوندىقتان ءبىز جوسپارىمىزبەن ساپارىمىزدى جالعاستىردىق", - دەپ جازدى ابىلعازين.

بيزنەسمەن: "ەلگە ورالعان سوڭ باسىلىمداردا ءبىزدى قارالاعان اقپاراتتار مەن ءۇشىن كۇتپەگەن جاعداي بولدى. مەن مۇنىڭ ءبارىن جوققا شىعارامىن، ەشقانداي دا زاڭ بۇزبادىم", - دەدى.

ادىلعازين ياحتادا ء"ورت قاۋىپسىزدىگىن تولىق ساقتاعاندارىن" ايتادى. ول ەگەر قاجەت بولسا گرەكيا بيلىگىمەن ءورتتى تەرگەۋگە قاتىسۋعا دايىن ەكەنىن مالىمدەدى.

Abai.kz