قر سىرتقى ىستەر مينيسترلىگىنىڭ حابارلاۋىنشا استاناداعى ءوتىپ جاتقان شانحاي ىنتىماقتاستىق ۇيىمىنىڭ سامميتىندە 900 جۋرناليست حابار تاراتىپ جاتىر.

"شەتەلدىك باق-تىڭ 700 وكىلى جانە قازاقستاندىق باق-تىڭ 200 وكىلى بار", – دەلىنگەن حابارلامادا.

استاناداعى تاۋەلسىزدىك سارايىندا شانحاي ىنتىماقتاستىق ۇيىمىنىڭ ءسامميتى ءوتىپ جاتىر. سامميت بارىسىندا جۋرناليستەردىڭ جۇمىسى ءۇشىن ءبىرىنشى جانە ەكىنشى قاباتتان ءۇش زال ءبولىندى. 

شىۇ-نى 2001 جىلى التى مەملەكەت: قازاقستان، قىتاي، رەسەي، قىرعىزستان، تاجىكستان جانە وزبەكستان قۇردى. كەيىنىرەك وداققا يران، ءۇندىستان جانە پاكىستان قوسىلدى. بۇگىن، 4 شىلدەدە استانادا ءوتىپ جاتقان شىۇ سامميتىندە بەلارۋس ۇيىمعا رەسمي تۇردە قوسىلدى.

سۋرەت: اقوردا

Abai.kz