ەكس-مينيستر قۋاندىق بيشىمباەۆ ايەلى سالتانات نۇكەنوۆانى اسا قاتىگەزدىكپەن، ازاپتاۋ بابىمەن ءولتىردى دەگەن ايىپپەن 24 جىلعا سوتتالعان بولاتىن.

ول «بولاشاق» باعدارلاماسىنىڭ تۇلەگى، بۇرىنعى ەكونوميكا ءمينيسترى جەمقورلىق بابى بويىنشا دا زاڭعا تارتىلدى.

قۋاندىق بيشىمباەۆتىڭ قازىرگى جاعدايى تۋرالى قىلمىستىق-اتقارۋ جۇيەسى كوميتەتىنىڭ توراعاسى تەڭىزجان جانىبەكوۆ ايتتى، دەپ حابارلايدى Abai.kz.

«سوتتالعان بيشىمباەۆ ءالى كولونياعا كەتكەن جوق. بۇگىن-ەرتەڭ وسى ماسەلە شەشىلىپ، ول تۇرمەگە تۇسەدى. ول قاۋىپسىزدىگى جوعارى كولونياعا اتتانادى»، - دەدى جانىبەكوۆ ورتالىق كوممۋنيكاتسيالار قىزمەتىنىڭ بريفينگىسىندە.

ول قۋاندىق بيشىمباەۆتىڭ اباقتىدا قانداي جۇمىس ىستەي الاتىنىن ءتۇسىندىردى.

«سوتتالعانداردى جۇمىسقا ورنالاستىراتىنىمىز راس. بىزدە ءارتۇرلى جۇمىس بار. «ەڭبەك» رمك جۇمىسقا تۇرىپ، اعاش جانە تەمىر وڭدەي الادى. ءبارى بوس جۇمىس ورنىنا بايلانىستى. كولونياعا تۇسكەن سوڭ ول 15 كۇن كارانتينگە تۇسەدى. ودان كەيىن ءتيىستى وتريادقا بارادى»، - دەدى جانىبەكوۆ.

Abai.kz