عالىم: باس ءمۇفتي ءوز ەركىمەن قىزمەتىنەن كەتۋى ءتيىس!
![](https://abai.kz/content/uploads/2024/07/kerke-2.jpg)
كەشەلى-بەرى قازاق قوعامى ىزۋ-قىزۋ تالقىلاپ جاتقان تاقىرىپتاردىڭ ءبىرى – قوستاناي وبلىسىنىڭ باس يمامى تاجىمبەت باحىتبەك نۇرعابىلۇلىنىڭ ماس كۇيىندە كولىك قۇرالىن باسقارعانى ءۇشىن 15 تاۋلىككە قامالعانى تۋرالى اقپارات.
رەسمي اقپاراتتا تاجىمبەت باحىتبەك نۇرعابىلۇلىنىڭ 15 تاۋلىككە قامالعانى جانە 7 جىلعا كولىك قۇرالىن باسقارۋ قۇقىعىنان ايىرىلعانى ايتىلدى.
بۇل جاڭالىق قازاق قوعامىنىڭ نەگاتيۆتى رەاكتسياسىن تۋدىردى. ارتىنشا، قازاقستان مۇسىلماندارى ءدىني باسقارماسى (قمدب) رەسمي تۇسىنىكتەمە بەرىپ، باحىتبەك نۇرعابىلۇلىنىڭ قىزمەتتەن الىنعانىن حابارلادى.
![](https://abai.kz/content/uploads/2024/07/parker-1024x929.jpg)
سۋرەت: Abai.kz سكرينى
قمدب نە دەيدى؟
ءمۇفتيات بولعان وقيعا ءۇشىن ەلدەگى مۇسىلمان قاۋىمىنان كەشىرىم سۇرادى.
«ءدىني باسقارمانىڭ قىزمەت جۇيەسىندە زاڭ نورمالارىن جانە ءدىن قىزمەتكەرى ەتيكاسىن ورەسكەل بۇزاتىن جەكە تۇلعالاردىڭ ءدىني سالادا جۇمىس ىستەۋىنە مورالدىق تۇرعىدان قۇقىعى جوق. قمدب ءدىن قىزمەتكەرىنە لايىقسىز ارەكەت جاساعان باقىتبەك تاجىمبەتتى قوستاناي وبلىسىنىڭ باس يمامى قىزمەتىنەن بوساتتى. قازاقستان مۇسىلماندارى ءدىني باسقارماسى بولعان وقيعانى ۇلكەن وكىنىشپەن قابىلداپ، ەلىمىزدەگى مۇسىلمان جاماعاتىنان كەشىرىم سۇرايدى. اللا تاعالا بارشامىزدى جاماندىق پەن وكىنىشتى ىستەرگە جەتەلەيتىن ءناپسى قالاۋىنىڭ كەسىرىنەن ساقتاعاي»، - دەلىنگەن حابارلامادا.
![](https://abai.kz/content/uploads/2024/07/dd8d3be27f05b9880314fdebde350025_1601128101907-1024x704.jpg)
سۋرەت: madeniportal.kz
دەسە دە، قوعامدىق پىكىر ارقيلى. قوستاناي وبلىسىنىڭ باس يمامىنا قاتىستى وقيعادان سوڭ، قمدب باسشىلىعىنىڭ جۇمىسىن جۇيەلەۋ كەرەكتىگى تۋرالى پىكىرلەر ايتىلۋدا. سونداي پىكىردىڭ ءبىرىن بەلگىلى ءدىن عالىمى قايرات جولدىبايۇلى ءوزىنىڭ «Facbook-تەگى» جەكە پاراقشاسىندا جازدى.
«ەكى كۇننەن بەرى ءىشىم الاي-دۇلەي. بۇل ۇياتتى جاعدايعا سەنگىم كەلمەيدى. بالكىم ادەيى ۇيىمداستىرلعان قاستاندىق شىعار. قىمىزعا ياكي باسقا ءبىر تاعامعا ءبىر نارسە ارالاستىرىپ ادەيى ىشكىزىپ، سوسىن ارنايى تاپسىرىسپەن ۇستاتتى ما ەكەن؟ ەگەر يمامنىڭ ارى تازا بولسا، ادۆوكات جالداپ، ءوزىن قورعاۋى ءتيىس. ال راس بولسا، وندا باس ءمۇفتي ءوز ەركىمەن قىزمەتىنەن كەتۋگە ءتيىس. قمدب تۇبەگەيلى رەفەرمولانۋى شارت»، - دەپ جازدى قايرات جولدىبايۇلى.
Abai.kz