مادەني ساياسات جانە ونەرتانۋ ينستيتۋتى رۋحاني قورىمىزدى تاعى ءبىر قۇندى دۇنيەمەن بايىتتى. اتالعان ينستيتۋتتا  وسىعان دەيىن 18-19 عع قازاقتاردىڭ تۇرمىس سالتىنان ناقتى دەرەك اڭعارتاتىن فوتوبەينەلەر جيناعىنىڭ تۇساۋ كەسەرى بولعانىن زيالى قاۋىم جاقسى بىلەدى. جيناقتاعى سۋرەتتەر كۋنسكامەرادان تابىلعان بولاتىن. سۋرەتتەردى اق پاتشانىڭ تۇسىندا قازاق دالاسىنا قادام باسقان شىعىستانۋشى عالىمدار، ساياحاتكەرلەر فوتواپپارتتارعا ءتۇسىرىپ الىپ، سول كەزدەگى رەسەيدىڭ مۇراعاتتارىنا قالدىرىپ وتىرسا كەرەك.

مادەني ساياسات جانە ونەرتانۋ ينستيتۋتى مادەنيەت جانە اقپارات مينيسترلىگىنىڭ تىكەلەي باسشىلىعىمەن بۇدان وزگە دە يگىلىكتى شارالار وتكىزۋمەن كەلەدى.

مەكەمەگە باسشى بولىپ تاعايىندالىسىمەن ساياساتتانۋشى ەرلان سايروۆ ۇلت ونەرى مەن ونىڭ بولاشاعىنا سەرگەك قارايتىن ورتاعا «ۇلتتىق برەند»، «مادەني كود» دەگەن تەرميندەر ەنگىزۋ ارقىلى دا كوپ وي سالىپ جۇرگەن ازامات.

ال، بۇگىن، ياعني، 18 قىركۇيەك كۇنى، ينستيتۋتتىڭ ءماجىلىس سارايىنداعى جيىن موڭعوليا قازاقتارىنىڭ اندەرى مەن كۇيلەرىن توپتاستىرىپ، «تەلقوڭىر» اتتى پارتيتۋرالار كىتابىن كوپشىلىككە تانىستىرۋعا ارنالىپتى.

قازاق باسپاسوزىندە «اسپان استى مۇراجايى» دەپ ايتىلا باستاعان باي ولكە مەن قوبدا ايماقتارىن قايماعى بۇزىلماعان قازاق ونەرىنىڭ  قوردالى مەكەنى دەسە بولادى.

مادەني ساياسات جانە ونەرتانۋ ينستيتۋتى رۋحاني قورىمىزدى تاعى ءبىر قۇندى دۇنيەمەن بايىتتى. اتالعان ينستيتۋتتا  وسىعان دەيىن 18-19 عع قازاقتاردىڭ تۇرمىس سالتىنان ناقتى دەرەك اڭعارتاتىن فوتوبەينەلەر جيناعىنىڭ تۇساۋ كەسەرى بولعانىن زيالى قاۋىم جاقسى بىلەدى. جيناقتاعى سۋرەتتەر كۋنسكامەرادان تابىلعان بولاتىن. سۋرەتتەردى اق پاتشانىڭ تۇسىندا قازاق دالاسىنا قادام باسقان شىعىستانۋشى عالىمدار، ساياحاتكەرلەر فوتواپپارتتارعا ءتۇسىرىپ الىپ، سول كەزدەگى رەسەيدىڭ مۇراعاتتارىنا قالدىرىپ وتىرسا كەرەك.

مادەني ساياسات جانە ونەرتانۋ ينستيتۋتى مادەنيەت جانە اقپارات مينيسترلىگىنىڭ تىكەلەي باسشىلىعىمەن بۇدان وزگە دە يگىلىكتى شارالار وتكىزۋمەن كەلەدى.

مەكەمەگە باسشى بولىپ تاعايىندالىسىمەن ساياساتتانۋشى ەرلان سايروۆ ۇلت ونەرى مەن ونىڭ بولاشاعىنا سەرگەك قارايتىن ورتاعا «ۇلتتىق برەند»، «مادەني كود» دەگەن تەرميندەر ەنگىزۋ ارقىلى دا كوپ وي سالىپ جۇرگەن ازامات.

ال، بۇگىن، ياعني، 18 قىركۇيەك كۇنى، ينستيتۋتتىڭ ءماجىلىس سارايىنداعى جيىن موڭعوليا قازاقتارىنىڭ اندەرى مەن كۇيلەرىن توپتاستىرىپ، «تەلقوڭىر» اتتى پارتيتۋرالار كىتابىن كوپشىلىككە تانىستىرۋعا ارنالىپتى.

قازاق باسپاسوزىندە «اسپان استى مۇراجايى» دەپ ايتىلا باستاعان باي ولكە مەن قوبدا ايماقتارىن قايماعى بۇزىلماعان قازاق ونەرىنىڭ  قوردالى مەكەنى دەسە بولادى.

جۇرتشىلىقتىڭ ەسىندە شىعار، ىلگەرىدە موڭعولياداعى باۋىرلار مەكەندەپ وتىرعان جەرلەردى ارالاعان بەكبولات تىلەۋحان، جانار ايجانوۆا سياقتى ساڭلاق انشىلەر مۇنداعى جۇرتتىڭ قۇلاعىنان قالىپ بارا جاتقان اندەردىڭ ءىنجۋ-مارجانىن تەرىپ قايتقان ەدى. باي ولكە مەن قوبدا انگە عانا ەمەس، سىبىزعى، دومبىرا كۇيلەرىنە دە كەنەن ولكە. ول جاقتاعى قازاقتاردىڭ سىبىزعى كۇيلەرى ءوز ەرەكشەلىگىمەن اتاققا شىققانى ءمالىم. مۇنى جيىن بارىسىندا حالىق ءارتىسى، پروفەسسور الدابەرگەن مىرزابەكوۆ سياقتى بىلگىرلەر ەكپىن تۇسىرە ايتىپ ءوتتى.

«تەلقوڭىرعا» حالىق كۇيلەرى مەن اندەرى، بەرىدەگى كومپوزيتورلاردىڭ تۋىندىلارى بار جالپى جيىنى جيىرما ەكى شىعارما ەنىپتى. اندەر مەن كۇيلەردىڭ ۇلتتىق-مۋزىكالىق وركەسترلەرگە ارنالعان پارتيتۋراسىن مادەني ساياسات جانە ونەرتانۋ ينستيتۋتىنىڭ قىزمەتكەرى قايىرعازى تولەن مەن پروفەسسور الدابەرگەن مىرزابەكوۆ جاساپتى.

كونفەرەنتسياعا قاتىسىپ ءسوز سويلەگەن شەشەندەر 1960 جىلدارى بايانولگەيدە قۇرىلعان بايانولگەي قازاقتارىنىڭ ۇلتتىق-مۋزىكالىق وركەسترى تۋرالى ەمىنە ەسكە الدى. ءبىر كەزدە سول وركەستر تۋرالى موڭعول باسشىسى سەيدەمبال: «بۇل قانداي بيىككە كوتەرىلگەن ونەر؟ وركەستر بايانولگەيدەن ەمەس، باسقا ەلدەن كەلگەندەي اسەرگە بولەيدى»، -  دەگەن ەكەن.

حالقىمىزدىڭ  ءتولتۋما ونەرىن ساف كۇيىندە ساقتاي العان بايانولگەي، قوبدا ايماعىندا تۇرىپ جاتقان قازاقتاردىڭ اراسىنداعى سىبىزعىشىلار، انشىلەر مەن كۇيشىلەر ەرلان سايروۆ باسقاراتىن ينستيتۋتتىڭ عانا قامقورلىعىنا ءزارۋ بولىپ قالماۋى كەرەك. وعان مەملەكەتتىك قامقورلىق كەرەك دەپ تاراستى «تەلقوڭىردىڭ» تانىستىرلۋىنا كەلگەن جۇرت.

ەستەرىڭىزگە سالا كەتەكەنىمىز ابزال، «تەلقوڭىر» - التاي، ارقا وڭىرىندەگى داۋلەسكەر دومبىراشىلاردان قالعان باعزى كۇيلەردىڭ ءبىرى.

«اباي-اقپارات».