قازاق باق بەتتەرىندە بەيجىڭ وليمپياداسىنىڭ چەمپيونى باقىت سارسەكباەۆ وليمپياداداعى بوكسشىلاردىڭ جەكپە-جەگىن: «نە ىستەپ جۇرسىڭدەر شۇبىرىپ ءبارىڭ»، - دەپ سىنعا العاندىعى جاريا ەتىلدى.

باقىت سارسەكباەۆ Facebook الەۋمەتتىك جەلىسىندە قالدىرعان جازباسىندا پاريج وليمپياداسىنا قاتىسىپ جاتقان بوكسشى جىگىتتەردىڭ دايىندىعىن سىنعا الىپ، جىگىتتەردىڭ كۇش-قۋاتىنىڭ وتە ءالسىز ەكەنىن تىلگە تيەك ەتتى.

ونىڭ Facebook الەۋمەتتىك جەلىسىندە قالدىرعان جازباسىنا كوز جۇگىرەتەر بولساق: «ەكىنشى راۋندتا تىنىس الۋلارى قيىنداپ، رينگتە ارەڭ ءجۇر.  سوققىلارى از. سوققىلار كومبيناتسياسى ءتىپتى از. ءۇش مينۋتتا قانشا سوققى جاۋدىرۋعا بولادى؟! بوكسشىلاردىڭ دەنە تۇرقىمەن اينالىسۋ ءۇشىن ارنايى شاقىرتىلعان كۋبالىق مامان قايدا قاراپ ءجۇر؟ تۇتاستاي عىلىمي توپ قايدا؟ نەگە ءبىزدىڭ بوكسشىلاردىڭ دەمى جەتپەي ءجۇر؟ ءۇش راۋند اياقتا تۇرا المايدى. ءبارىڭ شۇبىرىپ، نە ىستەپ جۇرسىڭدەر؟ ءبىرىنشى جەكپە-جەكتەن وتە المادى دەگەن نە سۇمدىق؟» ، - دەگەن كۇيىنىشىن وقي الامىز.

بۇدان بولەك بەيجىڭ وليمپياداسىنىڭ چەمپيونى ليتسەنزيا العان بوكسشىلاردىڭ جارىسقا دەيىن وتكىزگەن جەكپە-جەكتەرىنە قاتىستى ءوز ءۋاجىن بىلايشا بىلدىرەدى: «ءاربىر بوكسشى ليتسەنزيا العاننان وليمپياداعا دەيىن نەشە جەكپە-جەك وتكىزدى؟ پراكتيكا بار ما؟ مىسالى، مەن جارتى جىلدا 22 جەكپە-جەك وتكىزدىم. باس باپكەرگە ايتاتىن ءسوزىم جوق، ءتىپتى...».

شىندىقتى وسىلاي بەتكە ايتقانعا نە جەتسىن، شىرىكىن؟!

Abai.kz