پوەزيا پاديشاسى ماڭگى الەمگە اتتاندى
ەگەمەن ەل بولعالى تالاي ۇلىلارىمىز بەن ۇلىقتارىمىزدان بىرتىندەپ ايىرىلۋدامىز. ءومىر زاڭى – قاشىپ قۇتىلا المايمىز.
دەگەنمەن، ءار تۇلعانىڭ ورنى بولەك. فاريزا وڭعارسىنقىزى سونداي ءبىتىمى ەرەك تۇلعانىڭ ءبىرى. ول قازاق ادەبيەتىنە وجەت تە نازىك جاندار تولقىنىن الا كەلدى. ءومىردىڭ كۇيبەڭىنەن باس تارتتى، ولەڭگە عۇمىرىن ارنادى. حالقىمىزدىڭ تاريحىندا ۇلتشىل قىزدار شوعىرىنىڭ جاڭا زامانعى بۋىنىن باستادى. سودان دا بولار التايدان اتىراۋعا، سىبىردەن قاراتاۋعا دەيىنگى ءاپايتوس دالامىزدىڭ حالقى بۇل جولى وزگەشە ازا تۇتتى.
مۇنى فاريزا اپامىزدىڭ جانازاسىنا 5 مىڭداي ادام جينالعان قارالى جيىندا استانا اكىمى يمانعالي نۇرعاليۇلى تەبىرەنىسپەن اتاپ ءوتتى. اۋماعى اتشاپتىرىم كورمە سارايىنا جينالعان ادام تىزبەگى اقىنمەن قوشتاسۋ راسىمىندە تولاسسىز 2 ساعات بويى ءوتتى.
وڭىردەن كەلگەن زيالى توپتار، ءبىرىن ءبىرى ساعىنا كورىسكەن الاشتىڭ جايساڭى مەن جاقسىلارى، اقىنمەن بىرگە ءبىرىن ءبىرى ايالاپ جاتقانداي بولدى...
ەگەمەن ەل بولعالى تالاي ۇلىلارىمىز بەن ۇلىقتارىمىزدان بىرتىندەپ ايىرىلۋدامىز. ءومىر زاڭى – قاشىپ قۇتىلا المايمىز.
دەگەنمەن، ءار تۇلعانىڭ ورنى بولەك. فاريزا وڭعارسىنقىزى سونداي ءبىتىمى ەرەك تۇلعانىڭ ءبىرى. ول قازاق ادەبيەتىنە وجەت تە نازىك جاندار تولقىنىن الا كەلدى. ءومىردىڭ كۇيبەڭىنەن باس تارتتى، ولەڭگە عۇمىرىن ارنادى. حالقىمىزدىڭ تاريحىندا ۇلتشىل قىزدار شوعىرىنىڭ جاڭا زامانعى بۋىنىن باستادى. سودان دا بولار التايدان اتىراۋعا، سىبىردەن قاراتاۋعا دەيىنگى ءاپايتوس دالامىزدىڭ حالقى بۇل جولى وزگەشە ازا تۇتتى.
مۇنى فاريزا اپامىزدىڭ جانازاسىنا 5 مىڭداي ادام جينالعان قارالى جيىندا استانا اكىمى يمانعالي نۇرعاليۇلى تەبىرەنىسپەن اتاپ ءوتتى. اۋماعى اتشاپتىرىم كورمە سارايىنا جينالعان ادام تىزبەگى اقىنمەن قوشتاسۋ راسىمىندە تولاسسىز 2 ساعات بويى ءوتتى.
وڭىردەن كەلگەن زيالى توپتار، ءبىرىن ءبىرى ساعىنا كورىسكەن الاشتىڭ جايساڭى مەن جاقسىلارى، اقىنمەن بىرگە ءبىرىن ءبىرى ايالاپ جاتقانداي بولدى...
اقىن اپانىڭ قۇرداسى،سىرلاسى، حالىق جازۋشىسى ءابىش كەكىلباي اقىن ازاسى قازاق دالاسىنان اسىپ، ەلەكترون كەڭىسكە دە ۇلاسقانىن ايتتى.
قارالى جيىندا ءسوز العان اكادەميك اقساقال كەنجەعالي ساعاديەۆ اقىن قايتاردان 4 كۇن بۇرىن ۇيىنە بارعاندا، قۇربىسىمەن ەمەن-جارقىن كۇلىپ، اڭگىمەلەسىپ وتىرعانىن، اقىننىڭ بۇل عۇمىرىنداعى ءار ءساتىن ادامعا لايىق ءسۇرىپ، اجالدى قاسقايىپ قارسى العان رۋحىنىڭ مىقتىلىعىنا دەگەن تاڭقالىسىن جاسىرمادى. فاريزا وڭعارسىنوۆانى بەلگىلى اقىن سەرىك تۇرعىنبەكوۆ ازالى ولەڭىمەن جوقتاپ، زال تولى جۇرتتى تاعى ءبىر تولقىتتى...
قابىرگە قاراي جىلجىعان اۆتوبۋس پەن جەڭىل كولىكتە ەسەپ جوق. قابانباي باتىر بابا جاتقان سارىبەل قورىمىندا ورنالاسقان ۇلتتىق پانتەونعا حالقى اقىن قىزىن ارۋلاپ جەرلەدى.
باقىل بول، اقىن اپا! توپىراق تورقا بولعاي! تىرىڭدە ولەڭنەن رۋح ءوردىڭ، ەندى حالقىڭا جاراتقاننىڭ شاپاعاتىن سىيلاۋشى، جەتكىزۋشى بولعايسىڭ!
Abai.kz
باۋىرجان جاقىپ. تۇلا بويى شۋاق پەن مەيىرىم ەدى...
(فاريزا اپاي رۋحىنا)
تىرلىگىندە ەل-جۇرتىن ءدان-ريزا ەتتى،
ءومىرىن ولەڭگە ارناپ فاريزا ءوتتى.
«شىلدەنى» وقىپ تەبىرەنگەن جۇرەكتەردى،
سۋىت قايعى قاڭتاردا قاري جەتتى.
شىن اقىننىڭ كيەسى بار ەكەنىن،
اققان ۋاقىت بىزدەرگە تاعى ۇيرەتتى.
جاقسىلارعا جان سىرىن اقتاراتىن،
كۇلىمسىرەپ، جاقىنداپ توقتالاتىن.
جاستار كورسە، شۋاق پەن مەيىرىم ەدى،
جاقتىرماعان ادامى جوق بولاتىن.
جانارلارى اپايدىڭ وت بولاتىن،
كورگەن سايىن جۇرەككە شوق قوناتىن.
ءوتتى ومىردەن، قىراننىڭ قاناتىنداي،
ءدۇر سىلكىنىپ، قاباعىن قاققان اقىن.
«نەگە ەرتە كەتتى!»– دەپ ال، قوي سۇراق،
ىزدەسەك تە تاپپايمىز ونداي شۋاق.
ەشكىممەنەن ەشقاشان تولمايتىنداي،
ەندى ونىڭ ورىنى قالدى ويسىراپ.
ءومىر دەگەن وسى ەكەن ءبىر-اق كۇنگى،
اتىراۋىڭ تولقىننان جىر لاقتىردى.
استاناڭدا قويعاندا جەر قوينىنا،
الماتىڭنىڭ اسپانى جىلاپ تۇردى.
...تىرلىگىڭدە بەرمەدىڭ قۋات كىمگە؟!
ولەڭىڭمەن توكپەدىڭ شۋاق كىمگە؟!
بۇكىل قازاق دالاسىن اق قار باسىپ،
اپاي، ورنىڭ ءبىلىندى-اۋ ءبىر-اق كۇندە!...
