پاريج – 2024: ءبىرىنشى جارىس كۇنىنىڭ ناتيجەلەرى:

پاريج تورىندە ءوتىپ جاتقان جازعى وليمپيادا-2024 ويىنداردا ەلىمىزدىڭ سپورتشىلارى جاقسى ناتيجە كورسەتۋدە.

العاشقى كۇنى دزيۋدودان ۇلتتىق قۇراما كوشباسشىسى ەلدوس سمەتوۆ (60 كگ) وليمپيادا چەمپيونى اتاندى. قازاق پالۋانى پاريجدەگى ويىنداردىڭ فينالىندا لۋكا محەيدزەمەن (فرانتسيا) كۇرەسىپ، قارسىلاسىنان باسىم ءتۇستى.

پنەۆماتيكالىق ۆينتوۆكامەن 10 مەتردەن نىسانا كوزدەۋدەن قازاقستان-1 كومانداسى پاريج وليمپياداسىنىڭ قولا جۇلدەسىن ەل قورجىنىنا سالدى.

اكادەميالىق ەسكەك ەسۋدەن ەرلەر اراسىنداعى ىرىكتەۋ سايىسىندا وتانداسىمىز ۆلاديسلاۆ ياكوۆلەۆ مارەگە 5-ءشى بولىپ جەتتى. ونىڭ ۋاقىت كورسەتكىشى – 7:21.56 سەكۋند.

پنەۆماتيكالىق تاپانشامەن 10 مەتردەن نىسانا كوزدەۋدەن ەرلەر اراسىنداعى ىرىكتەۋدە نيكيتا چيريۋكين 15-ساتىعا تۇراقتاپ، فينالعا شىعا المادى.

پنەۆماتيكالىق تاپانشامەن 10 مەتردەن نىسانا كوزدەۋدەن ايەلدەر اراسىنداعى ىرىكتەۋدە يرينا يۋنۋسمەتوۆا 574 ۇپايمەن 11-ساتىعا تابان تىرەدى.

دزيۋدوشى ءابيبا ابۋجاقىنوۆا پاريج وليمپياداسىنىڭ قولا جۇلدەسى ءۇشىن بەلدەسۋدە تارا بابۋلفاتتان (شۆەتسيا) جەڭىلىپ قالدى.

ۆەلوسپورتتان جەكەلەي سىنداعى ۋاقىتقا جارىستا ۇلتتىق قۇراما سپورتشىسى ەۆگەني فەدوروۆ 21-ساتىدان كورىندى. ونىڭ ۋاقىت كورسەتكىشى – 38:33.98 سەكۋند.

قازاقستاندىق تەننيسشى الەكساندر بۋبليك پاريج وليمپياداسىندا تەيلور فريتسكە (اقش) ەسە جىبەرىپ، جەكەلەي سىندى اياقتادى.

سپورتتىق گيمناستيكا سايىسى بويىنشا ميلاد كاريمي مەن ناريمان قۇربانوۆ ىرىكتەۋ كەزەڭىندە ونەر كورسەتتى. ات جاتتىعۋىندا ناريمان قۇربانوۆ – 15.000 ۇپاي (5-ورىن), ميلاد كاريمي – 13,266 ۇپاي (30-ورىن) جينادى.

ميلاد كاريمي ەركىن جاتتىعۋدى 7-ورىنمەن (14.433 ۇپاي), كوپسايىستى 15-ورىنمەن (14.433 ۇپاي) اياقتاسا، قوس شىعىرشىقتا 21-ورىنعا (14.366 ۇپاي) تابان تىرەدى. ال شىعىرشىقتا 36-ورىننان (13.000 ۇپاي), كەرمە جاتتىعۋىندا 12.700 ۇپايمەن 40-ورىننان كورىندى.

63,5 كگ سالماقتاعى بوكسشى مۇحاممەدسابىر بازاربايۇلى العاشقى اينالىمدا ويەر يبارەچچەدەن (يسپانيا) باسىم ءتۇسىپ، كەلەسى كەزەڭگە جولداما الدى.

ۇستەل تەننيسىنەن ۇلتتىق قۇراما كوشباسشىسى كيريلل گەراسيمەنكو پاريج وليمپياداسىنداعى ءبىرىنشى ويىندا قارسىلاسىن باسىم ءتۇستى. وتانداسىمىز چيليلىك اتلەت نيكولاس بۋرگوسقا ەش مۇمكىندىك بەرمەدى. ەسەپ 4-0.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: ەكىنشى جارىس كۇنىنىڭ ناتيجەلەرى:

سايىستىڭ ەكىنشى كۇنى دزيۋدوشى عۇسمان قىرعىزباەۆ (66 كگ) پاريج وليمپياداسىندا سەرب ستراحينيا ءبۋنچيچتى جىعىپ، قولا مەدال جەڭىپ الدى. بۇل قازاق دزيۋدوسى تاريحىنداعى تريۋمف! وليمپيا ويىندارىنىڭ العاشقى ەكى كۇنىندە ءبىزدىڭ كوماندا 1 التىن، 1 قولا جۇلدەگە قول جەتكىزدى.

پنەۆماتيكالىق ۆينتوۆكامەن 10 مەتردەن نىسانا كوزدەۋدە ۇلتتىق قۇراما سپورتشىسى الەكساندرا لە پاريج وليمپياداسىنىڭ فينالىنا شىقتى. ول ىرىكتەۋدە 631.4 ۇپاي جيناپ، 6-ساتىعا تۇراقتادى. ال ارينا التۋحوۆا بۇل سىندا 17-ساتىعا جايعاستى (627.7 ۇپاي).

بوكستان ايەلدەر اراسىندا جارىس جولىن باستاعان 2 دۇركىن الەم چەمپيونى نازىم قىزايباي العاشقى اينالىمدا ەۋروپا چەمپيوناتىنىڭ كۇمىس جۇلدەگەرى دجيوردانا سوررەنتينونى (يتاليا) 4:1 ەسەبىمەن جەڭدى.

پنەۆماتيكالىق ۆينتوۆكامەن 10 مەتردەن نىسانا كوزدەۋدەن ەرلەر اراسىنداعى جەكەلەي سىننىڭ ىرىكتەۋدە يسلام ساتپاەۆ 628 ۇپاي جيناپ، 21-ساتىعا تابان تىرەدى. ال كونستانتين مالينوۆسكي 626.6 ۇپايمەن 32-ورىننان كورىندى.

سەمسەرلەسۋدەن قازاقستان ەرلەر قۇراماسىنىڭ كوشباسشىسى رۋسلان قۇربانوۆ شيرەك فينالىندا جاپون كوكي كانودان ۇتىلىپ قالدى. ەلمير ءالىمجانوۆ فەدەريكو ۆيسمارادان (يتاليا) ايلاسىن اسىرا المادى. ۆاديم شارلايموۆ ەكىنشى كەزەڭدە ءسۇرىندى.

بوكستان ۇلتتىق قۇراما كاپيتانى اسلانبەك شىمبەرگەنوۆ (71 كگ) العاشقى ايقاسىندا ازيا چەمپيوناتىنىڭ كۇمىس جۇلدەگەرى زەياد يشايشقا ەسە جىبەردى. جەكپە-جەك 2-3 ەسەبىمەن اياقتالدى.

بادمينتونشى دميتري پانارين پاريج وليمپياداسىنىڭ ىرىكتەۋىندە كەنتا نيسيموتودان (جاپونيا) ۇتىلىپ قالدى.

اكادەميالىق ەسكەك ەسۋدەن ۆلاديسلاۆ ياكوۆلەۆ جۇبانىش كەزەڭىندەگى 3-ءشى التىلىقتا جارىسىپ، مارەگە ءتورتىنشى بولىپ جەتتى. ۋاقىت كورسەتكىشى - 7:21.12.

تەننيس: قازاقستاندىق سپورتشى ا.شەۆچەنكو 18 جاسار چەح تەننيسشىسى يا.مەنشيكتەن 0:2 ەسەبىمەن جەڭىلدى.

وليمپيادانىڭ ەكىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: ءۇشىنشى جارىس كۇنىنىڭ ناتيجەلەرى:

پنەۆماتيكالىق ۆينتوۆكامەن 10 مەتردەن نىسانا كوزدەۋءدىڭ فينالىندا الەكساندرا لە 6-ورىنعا تۇراقتادى. وتانداسىمىز شيەلەنىسكە تولى 165.4 ۇپاي جينادى.

پنەۆماتيكالىق تاپانشامەن 10 مەتردەن نىسانا كوزدەۋدە قازاقستان قۇراماسى 11-ساتىدان كورىندى. ولار ىرىكتەۋدە 575 ۇپاي جيناپ، 11-ناتيجە كورسەتتى.

سەمسەرلەسۋشى ايگەرىم سارىباي وليمپيادانىڭ 1/16 كەزەڭدە جارىس قوجايىنى فرانتسيالىق مانون بريۋنەدەن (توكيو وليمپياداسىنىڭ كۇمىس جانە قولا جۇلدەگەرى، الەم چەمپيونى) جەڭىلىپ قالدى. ەسەپ – 12-15.

ساداق اتۋدان كوماندالىق سىندا قازاقستان قۇراماسى 1/8 اينالىمدا يتالياعا 4-5 ەسەبىمەن جول بەردى. كەزدەسۋدە ءبىزدىڭ مەرگەندەر 0-2 ەسەبىمەن جەڭىلىپ جاتىپ، تارازى باسىن تەڭەستىردى (2-2). الايدا شەشۋشى ساتتە قارسىلاستار دالدىك تانىتتى.

اكادەميالىق ەسكەك ەسۋدە ۆلاديسلاۆ ياكوۆلەۆ پاريج وليمپياداسىندا E/F1 توبىنىڭ جارتىلاي فينالىندا مارەگە ءبىرىنشى جەتتى. ول جارىس جولىن 7 مينۋت، 26.20 سەكۋندتا باعىندىردى.

دزيۋدوشى دانيار شامشاەۆ (73 كگ) العاشقى بەلدەسۋىندە حانچجوۋداعى جازعى ازيا ويىندارىنىڭ جەڭىمپازى، الەم چەمپيوناتىنىڭ قولا جۇلدەگەرى (2023) مۋرودجون يۋلدوشەۆقا (وزبەكستان) ەسە جىبەردى.

ايەلدەر اراسىندا 100 مەترگە شالقالاي جۇزۋدە كسەنيا يگناتوۆا وز توبىندا مارەگە ەكىنشى بولىپ جەتتى. ۋاقىت كورسەتكىشى – 1:02.51 سەكۋند. الايدا جالپى ەسەپتە 26-ورىننان كورىنىپ، جارتىلاي فينالعا شىعا المادى.

تەننيستەن ەرلەر اراسىنداعى جۇپتىق باسەكەدە الەكساندر بۋبليك پەن الەكساندر نەدوۆەسوۆ العاشقى اينالىمدا برازيليالىق تياگو مونتەيرو مەن تياگو سەيبوت ۋايلدتەن ەكى سەتتە 4-6, 4-6 ەسەبىمەن جەڭىلىپ قالدى.

بادمينتونشى دميتري پانارين ەكىنشى ماتچتا برايان يانگتەن جەڭىلىپ، توپتىق كەزەڭنەن شىعا المادى. كانادالىق سپورتشى 0-2 (18-21, 10-21) ەسەبىمەن جەڭىسكە جەتتى.

ۇستەل تەننيسىنەن ۇلتتىق قۇراما كوشباسشىسى كيريلل گەراسيمەنكو پاريج وليمپياداسىنىڭ 1/16 اينالىمىندا دان تسيۋدان جەڭىستى جۇلىپ الدى. وتانداسىمىز بەن گەرمانيالىق ويىنشى اراسىنداعى ماتچ 4-3 ەسەبىمەن اياقتالدى.

ۇلتتىق قۇرامانىڭ ەڭ جاس سپورتشىسى مۇحامەدسابىر بازاربايۇلى 1/8 فينالدا حانچجوۋداعى جازعى ازيا ويىندارىنىڭ كۇمىس جۇلدەگەرى چۋ ەن لايدان 3:2 ەسەبىمەن باسىم ءتۇستى.

قامشىبەك قوڭقاباەۆ يسپان بوكسشىسى ايۋب گادفا دريسسيدەن جەڭىلىپ, پاريج وليمپياداسىنىڭ شيرەك فينالىنا شىعا المادى. اسا اۋىر سالماقتاعى بوكسشىمىز تورەشىلەردىڭ 2-3 ەسەبىمەن جول بەردى.

وليمپيادانىڭ ءۇشىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: ءتورتىنشى جارىس كۇنىنىڭ ناتيجەلەرى:

ستەند اتۋدان ايەلدەر اراسىنداعى ىرىكتەۋ كەزەڭىندە ماريا دميتريەنكو 73 ۇپايمەن 4-ورىن الدى.

بوكسشى نۇربەك ورالباي (80 كگ) 1/8 اينالىمدا كاللۋم پيتەرستى (اۋستراليا) جەڭدى. وتە تارتىستى وتكەن جەكپە-جەكتە تورەشىلەر 3-2 ەسەبىمەن جەڭىستى قازاق بىلعارى قولعاپ شەبەرىنە بەردى.

بوكسشىمىز ساكەن بيبوسىنوۆ (51 كگ) تۇرىك قارسىلاسى سامەت گيۋميۋشتى ايقىن باسىمدىقپەن ۇتىپ، شيرەك فينالعا شىقتى. ەسەپ: 5-0.

ادىلبەك مۋسين 100 مەترگە ەركىن ادىسپەن جۇزۋدە مارەگە 8-ءشى بولىپ جەتتى. ۋاقىت كورسەتكىشى – 49.92 سەكۋند.

دزيۋدودان 81 كگ سالماقتاعى ابىلايحان جۇبانازار مەن ايەلدەر اراسىندا 63 كگ سالماقتا بەلدەسكەن ەسميگۇل كۋيۋلوۆا ءبىرىنشى اينالىمدا جەڭىلىپ قالدى.

ساداق اتۋدان كوماندا كوشباسشىسى يلفات ابدۋللين پاريج وليمپياداسىنىڭ جەكەلەي سىنىنان شىعىپ قالدى.

وليمپيادانىڭ ءتورتىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: بەسىنشى جارىس كۇنىنىڭ ناتيجەلەرى:

ۇستەل تەننيسى: ۇستەل تەننيسىنەن ۇلتتىق قۇراما كوشباسشىسى كيريلل گەراسيمەنكو 1/8 فينالدا مىسىر سپورتشىسى ومار مۇحاممادي اسساردان جەڭىلىپ قالدى. ەسەپ: 2-4 (11-8, 11-6, 10-12, 10-12, 9-11, 3-11).

ستەند اتۋ: ستەند اتۋدىڭ تراپ باعدارلاماسىنىڭ ىرىكتەۋ كەزەڭىندە باق سىناعان ماريا دميتريەنكو 120 ۇپايمەن 10-ورىننان كورىنىپ، فينالعا شىعا المادى.

بوكس: ماحمۇد سابىرحان (57 كگ) العاشقى جەكپە-جەگىندە يسپانيا وكىلى حوسە كيلەس بروستونسقا جول بەردى. ءۇش راۋندتان كەيىنگى تورەشىلەر ەسەبى: 1-4.

ۆالەنتينا حالزوۆا پاريجدەگى العاشقى جەكپە-جەگىندە اتەينا بيلونعا (پاناما) جول بەردى. تورەشىلەر ەسەبى: 1-4. ەندى شيرەك فينالدا اتەينا پولشا/يرلانديا وكىلىمەن كۇش سىناسادى.

نىسانا كوزدەۋ: ۆينتوۆكامەن 50 مەتردەن 3 پوزيتسيادا نىسانا كوزدەۋدەن ەرلەر اراسىنداعى ىرىكتەۋدە ۇلتتىق قۇراما قورجىنىنا العاشقى جۇلدەنى سالعان يسلام ساتپاەۆ 588 ۇپاي جيناپ، 18-ساتىعا تۇراقتادى. ال كونستانتين مالينوۆسكي 586 ۇپايمەن 25-ورىننان كورىندى.

ترياتلون: ەكاتەرينا شابالينا ترياتلوننان سىنعا ءتۇسىپ، مارەگە دەيىن جەتە المادى. ول سەنا وزەنىن ءجۇزىپ وتكەنىمەن، ۆەلوسيپەدپەن 3 شاقىرىمداي جۇرگەن سوڭ سايىستان شىعىپ قالدى.

سپورتتىق گيمناستيكا: سپورتتىق گيمناستيكادان ەرلەر اراسىنداعى كوپسايىستىڭ فينالىندا باق سىناعان ميلاد كاريمي جۇلدەگەرلەر قاتارىنان كورىنە المادى. ول التى جاتتىعۋدا 76.065 ۇپاي جيناپ، 24-ورىننان كورىندى.

وليمپيادانىڭ بەسىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: التىنشى جارىس كۇنىنىڭ ناتيجەلەرى:

بوكس: تاجىريبەلى بوكسشى نازىم قىزايباي (50 كگ) 1/8 فينالدا كارولاين باربوزا دە المەيدانى (برازيليا) ايقىن باسىمدىقپەن تىزە بۇكتىرىپ، شيرەك فينالعا جولداما الدى. تورەشىلەر ەسەبى – 5:0.

ايبەك ورالباي (92 كگ) شيرەك فينالدا ازەربايجان وكىلى لورەن الفونسو دومينگەستەن ۇتىلىپ قالدى – 2:3.

بوكسشىمىز مۇحاممەدسابىر بازاربايۇلى (63,5 كگ) اسا تارتىستى ايقاستا گرۋزين قارسىلاسى لاشا گۋرۋليدەن جەڭىلىپ، پاريج وليمپياداسىندا جۇلدەگە ءبىر تابان جەتپەي توقتادى. ەسەپ: 2-3.

نىسانا كوزدەۋ: ايەلدەر اراسىندا ۆينتوۆكامەن 50 مەتردەن 3 پوزيتسيادا نىسانا كوزدەۋدە الەكساندرا لە 587 ۇپاي جيناپ، 10-ورىنعا جايعاستى. ارينا التۋحوۆا 586 ۇپايمەن 13-ساتىدان كورىندى.

دزيۋدو: نۇرلىحان شارحان (100 كگ) ەكىنشى بەلدەسۋىندە وزبەكستاندىق مۋزاففاربەك تۋروبوۆتان جەڭىلىپ، جارىس جولىنان شىعىپ قالدى. ول ءبىرىنشى اينالىمدا بەلگيا وكىلى توما نيكيفوروۆتان باسىم تۇسكەن ەدى.

ساداق اتۋ: داۋلەتكەلدى جاڭبىرباي ساداق اتۋدان جەكەلەي سىننىڭ ىرىكتەۋىندە حورحە ەنريكەستەن (كولۋمبيا) جەڭىلىپ قالدى. ەسەپ – 7:3.
سونىمەن قاتار الەكساندر ەرەمەنكو دا وليمپيادانى اياقتادى. ول 1/32 فينالدا فرانتسيالىق باپتيست ادديستەن ۇتىلدى – 6:2.

وليمپيادانىڭ التىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: جەتىنشى جارىس كۇنىنىڭ ناتيجەلەرى:

بوكس: نۇربەك ورالباي (80 كگ) پاريج وليمپياداسىنىڭ شيرەك فينالىندا مۋراد اللاحۆەرديەۆتى ء(ازىربايجان) تىزە بۇكتىرىپ، كەلەسى كەزەڭگە شىقتى. تورەشىلەر ەسەبى – 5:0.

كارينا يبراگيموۆا (57 كگ) 1/8 فينالدا پۋەرتو-ريكو وكىلى لوزادا موتتا اشلەياننان جەڭىلىپ قالدى.

51 كگ سالماقتاعى ساكەن بيبوسىنوۆ تا شيرەك فينالدا وزبەكستاندىق ازۋلى قارسىلاسى حاسانبوي دۋسماتوۆتان جەڭىلىپ، جارتىلاي فينالعا وتە المادى.

ستەند اتۋ: ۇلتتىق قۇراما سپورتشىسى ەدۋارد ەششەنكو ىرىكتەۋدىڭ العاشقى كۇنىندە باق سىنادى. سكيت باعدارلاماسىندا ول 66 ۇپاي جيناپ، 27-ساتىعا جايعاستى.

باتۋتتاعى گيمناستيكا: ەرلەر اراسىنداعى ىرىكتەۋدە وتانداسىمىز دانيل مۇساباەۆ 58.070 ۇپاي جيناپ، 9-ساتىعا تابان تىرەدى.

سەمسەرلەسۋ: قازاقستان ەرلەر قۇراماسى پاريج وليمپياداسىن 6-ساتىدا اياقتادى. شيرەك فينالدا قازاقستان كومانداسى ماجارستاننان جەڭىلگەن سوڭ 5-8 ورىنداردى ساراپقا سالۋ ءۇشىن مىسىرمەن سىنعا ءتۇسىپ، 36-21 ەسەبىمەن باسىم ءتۇستى.

بيىكتىككە سەكىرۋ: نادەجدا دۋبوۆيتسكايا مەن ەليزاۆەتا ماتۆەەۆا ىرىكتەۋ سايىستارىنا قاتىستى. نادەجدا – 1.83, ەليزاۆەتا 1.88 مەترمەن شەكتەلدى.

ءجۇزۋ: ادىلبەك مۋسين 100 مەترگە باتتەرفلياي ادىسىمەن جۇزۋدە ءوز توبىندا مارەگە بەسىنشى بولىپ كەلدى. ونىڭ ۋاقىت كورسەتكىشى – 52.74 سەكۋند. الايدا جارتىلاي فينالعا شىعا المادى.

دزيۋدو: كاميلا بەرلىقاش العاشقى بەلدەسۋىندە موڭعوليالىق ادياسۋرەن امارسايحاننان قوسىمشا ۋاقىتتا (golden score) جەڭىلىپ قالدى. وتانداسىمىز تورەشىدەن 3 ەسكەرتۋ الدى.

اكادەميالىق ەسكەك ەسۋ: ۇلتتىق قۇراما سپورتشىسى ۆلاديسلاۆ ياكوۆلەۆ پاريج وليمپياداسىندا سوڭعى جارىسىنا قاتىسىپ، ە توبىنىڭ فينالىندا مارەگە ءبىرىنشى جەتتى. ۋاقىت كورسەتكىشى – 6:59.43 سەكۋند.

وليمپيادانىڭ جەتىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: سەگىزىنشى جارىس كۇنىنىڭ ناتيجەلەرى:

سپورتتىق گيمناستيكا: ناريمان قۇربانوۆ سپورتتىق گيمناستيكانىڭ ات سناريادىنداعى جاتتىعۋدا كۇمىس جۇلدەگە قول جەتكىزدى. وتانداسىمىز فينالدا 15.443 ۇپاي الدى. وسىلايشا، ناريمان ەلىمىزگە سپورتتىق گيمناستيكادان وليمپيادانىڭ العاشقى مەدالىن سىيلادى.

ميلاد كاريمي سپورتتىق گيمناستيكانىڭ ەركىن جاتتىعۋ فينالىندا 14.500 ۇپاي جيناپ، 5-ورىنعا يە بولدى.

بوكس: نازىم قىزايباي (50 كگ) شيرەك فينالدا ينگريت لورەنا ۆالەنسيا ۆيكتوريانى (كولۋمبيا) جەڭدى. ەندى نازىم فينال جولداماسىن قىتاي بوكسشىسىمەن ساراپقا سالادى.

ستەند اتۋ: ستەند اتۋدىڭ سكيت باعدارلاماسىندا ايەلدەر اراسىنداعى ىرىكتەۋدىڭ العاشقى جارىس كۇنىندە وتانداسىمىز اسەم ورىنباي 67 ۇپاي جيناپ، 23-ساتىعا جايعاستى.

سكيت باعدارلاماسىنىڭ ەرلەر اراسىنداعى ىرىكتەۋدە ۇلتتىق قۇراما سپورتشىسى ەدۋارد ەششەنكو 115 ۇپاي جيناپ، فينالعا شىعا المادى.

دزيۋدو: دزيۋدودان ارالاس كوماندالىق سايىستا ەلىمىزدىڭ كومانداسى برازيلياعا جول بەردى. ەسەپ: 2-4.

ۆەلوسپورت: ەرلەر اراسىنداعى توپتىق جارىستا ۇلتتىق قۇراما سپورتشىسى الەكسەي لۋتسەنكو مارەگە 52-ءشى بولىپ جەتتى. ونىڭ ۋاقىت كورسەتكىشى – 6 ساعات، 26 مينۋت 57 سەكۋند. جەڭىمپازدان 7 مينۋت 23 سەكۋند قالىپ كەتتى. وكىنىشكە قاراي، ەۆگەني فيودوروۆ جارىستى ورتا جولدا اياقتاپ، مارەگە جەتە العان جوق.

وليمپيادانىڭ سەگىزىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 1 كۇمىس، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: توعىزىنشى جارىس كۇنىنىڭ ناتيجەلەرى:

بوكس: نۇربەك ورالباي (80 كگ) پاريج وليمپياداسىنىڭ جارتىلاي فينالىندا كريستيان حاۆەر پينالەستى (دومينيكان) جەڭىپ، فينالعا جولداما الدى. تورەشىلەر ەسەبى: 3-2.

جەڭىل اتلەتيكا: نورا دجەرۋتو 3000 مەترگە كەدەرگىلەر ارقىلى جۇگىرۋدە وليمپيادانىڭ فينالىنا جولداما الدى. ول ىرىكتەۋدە 4-ورىن الدى. ۋاقىت كورسەتكىشى – 9:16.46 سەكۋند. فينال 6 تامىزدان 7-سىنە قاراعان ءتۇنى وتەدى.

ولگا سافرونوۆا 200 مەترگە جۇگىرۋدە ءوز توبىندا مارەگە 7-ءشى بولىپ جەتتى. ۋاقىت كورسەتكىشى – 23.57 سەكۋند.

داۆيد ەفرەموۆ 110 مەترگە كەدەرگىلەر ارقىلى جۇگىرۋدىڭ جارتىلاي فينالىنا شىعا المادى. ونىڭ ۋاقىت كورسەتكىشى – 13.88 سەكۋند.

دەيزي دجەپكەمەي 3000 مەترگە كەدەرگىلەر ارقىلى جۇگىرۋدە مارەگە 9-شى بولىپ جەتتى.

ستەند اتۋ: اسەم ورىنباي سكيت باعدارلاماسىنىڭ ىرىكتەۋ قورىتىندىسى بويىنشا 116 ۇپاي جيناپ، 18-ورىنعا تۇراقتادى.

نىسانا كوزدەۋ: نيكيتا چيريۋكين ىرىكتەۋدە 583 ۇپاي جيناپ، 10-ورىنعا جايعاستى. وكىنىشكە قاراي فينالدىق سايىسقا شىعا المادى.

وليمپيادانىڭ توعىزىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 1 كۇمىس، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: ونىنشى جارىس كۇنىنىڭ ناتيجەلەرى:

جەڭىل اتلەتيكا: ولگا سافرونوۆا 200 مەترگە جۇگىرۋدە جارتىلاي فينالعا شىعا المادى. وتانداسىمىز جۇبانىش كەزەڭىندە ءوز توبىندا مارەگە التىنشى بولىپ جەتتى. ۋاقىت كورسەتكىشى – 23.70 سەكۋند.

ستەند اتۋ: سكيت باعدارلاماسىندا ارالاس جۇپتىق سىندا باق سىناعان اسەم ورىنباي مەن ەدۋارد ەششەنكو ىرىكتەۋدە 140 ۇپاي جيناپ، 12-ساتىدان كورىندى.

گرەك-ريم كۇرەسى: اسا اۋىر سالماقتاعى پالۋان ءالىمحان سىزدىقوۆ شيرەك فينالدا ريو وليمپياداسىنىڭ قولا جۇلدەگەرى ساباح شارياتيعا ء(ازىربايجان) جول بەردى. ەسەپ: 0-4. ايدوس سۇلتانعالي (60 كگ) العاشقى بەلدەسۋىندە 2 دۇركىن الەم چەمپيونى جولامان شارشەنبەكوۆتەن (قىرعىزستان) جەڭىلىپ قالدى. تارتىستى وتكەن ايقاستىڭ ەسەبى: 3-6.

وليمپيادانىڭ ونىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 1 كۇمىس، 2 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: ون ءبىرىنشى جارىس كۇنىنىڭ ناتيجەلەرى:

بوكس: نازىم قىزايباي (50 كگ) جارتىلاي فينالدا قىتايلىق ۆۋ يۋدان جەڭىلىپ، پاريج وليمپياداسىنىڭ قولا جۇلدەگەرى اتاندى.

گرەك-ريم كۇرەسى: ۇلتتىق قۇراما پالۋانى (77 كگ) دەمەۋ جادىراەۆ جارتىلاي فينالدا ءازىربايجان وكىلى سانان سۋلەيمانوۆتان باسىم ءتۇسىپ، فينالعا شىقتى.

قۇزعا ورمەلەۋ: ءامىر مايمۇراتوۆ ىرىكتەۋدەن سۇرىنبەي ءوتىپ، شيرەك فينالعا جولداما الدى. وتانداسىمىز 4,89 سەكۋند كورسەتكىشپەن وليمپيادا رەكوردىن جاڭارتتى.

بايداركا مەن كانوەدە ەسۋ: بايداركادا 500 مەترگە جارىستا بەكارىس راماتۋللا مەن سەرگەي توكارنيتسكي جۇبى ءوز توبىندا مارەگە بەسىنشى جەتتى. ۋاقىت كورسەتكىشى – 1:38.62 سەكۋند.

كانوەدە 500 مەترگە ەسكەك ەسۋدە ماريا بروۆكوۆا مەن رۋفينا يسكاكوۆا جۇبى ءوز توبىندا 5-ورىن الدى. ولاردىڭ ۋاقىت كورسەتكىشى – 2:00.05 سەكۋند.

كانوەدە 500 مەترگە ەسكەك ەسۋدە سەرگەي ەمەليانوۆ پەن تيمۋر حايداروۆ جۇبى ىرىكتەۋدە ءوز توبىندا مارەگە 5-ءشى جەتتى. ۋاقىت كورسەتكىشى – 1:45.94 سەكۋند.

جەڭىل اتلەتيكا: داۆيد ەفرەموۆ 110 مەترگە كەدەرگىلەر ارقىلى جۇگىرۋدىڭ جۇبانىش كەزەڭىندە سورەدەن دۇرىس شىقپاعانى ءۇشىن (فالستارت) جارىستان شەتتەتىلدى. نورا دجەرۋتو 3000 مەترگە كەدەرگىلەر ارقىلى جۇگىرۋدىڭ فينالىندا مارەگە 9-شى بولىپ جەتتى. ۋاقىت كورسەتكىشى – 9:08.97 سەكۋند.

وليمپيادانىڭ ءونبىرىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 1 كۇمىس، 3 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: ون ەكىنشى جارىس كۇنىنىڭ ناتيجەلەرى:

گرەك-ريم كۇرەسى: دەمەۋ جادىراەۆ (77 كگ) پاريج وليمپياداسىنىڭ فينالىندا جاپونيالىق پالۋان ناو كۋساكاعا ەسە جىبەرىپ، كۇمىس جۇلدەگەر اتاندى. نۇرسۇلتان تۇرسىنوۆ (87 كگ) شيرەك فينالدا ريو وليمپياداسىنىڭ كۇمىس، توكيو وليمپياداسىنىڭ چەمپيونى جان بەلەنيۋكتەن (ۋكراينا) جەڭىلىپ قالدى.

بوكس: نۇربەك ورالباي (80 كگ) پاريج وليمپياداسىنىڭ فينالىندا الەكساندر حيجنياكقا (ۋكراينا) ەسە جىبەرىپ، كۇمىس جۇلدە يەلەندى. شيەلەنىستى وتكەن جەكپە-جەكتىڭ ەسەبى – 2:3.

ۆەلوترەك: سپرينت باعدارلاماسىنىڭ ىرىكتەۋىندە سىنعا تۇسكەن اندرەي چۋگاي 30-ورىنعا تابان تىرەپ، كەلەسى كەزەڭگە شىعا المادى. ۋاقىت كورسەتكىشى – 10.047 سەكۋند.

تاەكۆوندو: ساميرحون اباباكيروۆ (58 كگ) العاشقى اينالىمدا توكيو وليمپياداسىنىڭ جەڭىمپازى، الەم چەمپيونى ۆيتو دەلل'اكۆيلاعا (يتاليا) اسا شيەلەنىستى وتكەن ايقاستا جول بەردى. ەسەپ – 1:2.

بايداركا مەن كانوەدە ەسۋ: سەرگەي ەمەليانوۆ كانوەدە 1000 مەترگە جارىستىڭ ىرىكتەۋىندە ءوز توبىندا 4-ورىن الدى. بايداركادا 1000 مەترگە ەسكەك ەسۋدە جەكەلەي سىننىڭ ىرىكتەۋىندە وتانداسىمىز بەكارىس راماتۋللا مارەگە سوڭعى بولىپ جەتىپ، جارتىلاي فينالعا تىكەلەي جولداما الا المادى. ەندى ول شيرەك فينالدا تاعى جۇلدە ءۇشىن باق سىنايدى.

وليمپيادانىڭ ونەكىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 3 كۇمىس، 3 قولا جۇلدە بار.

سۋرەت قر سپورت جانە تۋريزم مينيسترلىگىنىڭ تەلەگرام ارناسىنان الىندى

پاريج – 2024: ون ءۇشىنشى جارىس كۇنىنىڭ ناتيجەلەرى:

قازىرگى بەسسايىس: قازىرگى بەسسايىستان ايەلدەر اراسىنداعى سەمسەرلەسۋدەن ىرىكتەۋدە ەلەنا پوتاپەنكو سەمسەرلەسۋدەن كەيىن 200 ۇپاي جيناپ، 27-ساتىعا تۇراقتادى.

گەورگي بورودا-دۋدوچكين العاشقى كەزەڭ سەمسەرلەسۋدە 170 ۇپاي جينادى. قازىر ول 35-ورىندا تۇر.

بايداركا مەن كانوەدە ەسۋ: كانوەدە 200 مەترگە ەسكەك ەسۋدە ماريا بروۆكوۆا جارىستى اياقتادى. ول شيرەك فينالدا ءوز توبىندا 4-ورىن الدى.

كانوەدە 500 مەترگە ەسكەك ەسۋدەن ەرلەر اراسىندا ا جانە ۆ توبىنىڭ فينالىندا سەرگەي ەمەليانوۆ پەن تيمۋر حايداروۆ جۇبى ۆ توبىندا مارەگە ءۇشىنشى جەتتى. ولار جۇپتىق سىندى جالپى ەسەپتە 11-ساتىدا اياقتادى.

كانوەدە 200 مەترگە ەسكەك ەسۋدە ماريا بروۆكوۆا ىرىكتەۋدە ءوز توبىندا مارەگە بەسىنشى جەتتى. ونىڭ ۋاقىت كورسەتكىشى – 48.43 سەكۋند.

ەركىن كۇرەس: ازامات داۋلەتبەكوۆ (86 كگ) العاشقى بەلدەسۋىندە امەريكالىق اارون ماركەل برۋكسقا جول بەردى.

مەيرامبەك كارتباي (57 كگ) 1/8 اينالىمىندا قىرعىز پالۋانى بەكزات الماز ۋلۋدان جەڭىلىپ قالدى.

قۇزعا ورمەلەۋ: ءامىر مايمۇراتوۆ جارتىلاي فينالعا جولداما الا المادى. وتانداسىمىز شيرەك فينالدا الەم چەمپيونى، جازعى ازيا ويىندارىنىڭ 2 دۇركىن جەڭىمپازى، ازيا چەمپيونى رەزا اليپۋرعا جول بەردى. ءامىردىڭ ۋاقىت كورسەتكىشى – 6.14 سەكۋند

كوركەم گيمناستيكا: ەلجانا تانيەۆا كوركەم گيمناستيكادان ىرىكتەۋدە ونەر كورسەتىپ، فينالدىق كەزەڭگە شىعا المادى. ول ءتورت جاتتىعۋدا 126.600 ۇپاي جيناپ، 13-ورىنعا تۇراقتادى.

وليمپيادانىڭ ون ءۇشىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 3 كۇمىس، 3 قولا جۇلدە بار.

Abai.kz