قر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ توراعاسى اسحات ايماعامبەتوۆ «ۋادە» باعدارلاماسىنا سۇحبات بەردى. 

قر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ توراعاسى اسحات ايماعامبەتوۆ «ۋادە» باعدارلاماسىنا بەرگەن سۇحباتىندا وليمپيادادا جەڭىسكە جەتكەن سپورتشىلارعا عانا ەمەس، ءبىلىم بويىنشا حالىقارالىق وليمپيادالاردا جەڭىسكە جەتكەن بالالارعا دا قولداۋ كورسەتۋ قاجەتتىگىن ايتتى.

«سپورتشىلارعا تەك مەملەكەت تاراپىنان عانا ەمەس، قوعام، مەتسەناتتار جانە قالتالى ازاماتتار تاراپىنان ۇلكەن كومەك كورسەتىلىپ جاتىر. ال ءبىلىم بويىنشا وليمپيادالاردى جەڭىپ العان بالالارعا قانداي قولداۋ كورسەتىلىپ جاتىر؟ ولارعا كىم ات مىڭگىزدى؟ كىم ەشكى بەردى؟ كىم قوي اتادى نەمەسە كولىك سىيلادى؟ ءۇي بەرمەسە دە، ءبىر ات سىيلاۋعا بولار ەدى. بۇل بالالار قازاقستاننىڭ بولاشاعىن وزدەرىنىڭ اقىلىمەن جاسايتىن دارىندى بالالار.

مەملەكەت تاراپىنان پرەزيدەنتتىڭ قولداۋىمەن اقشالاي سەرتيفيكاتتار، تەگىن گرانتتار بەرىلۋدە. ءبىز قازىر زاڭعا بۇل بالالاردى «بولاشاق» باعدارلاماسى ارقىلى شەتەلدە باكالاۆريات بويىنشا وقىتۋ مۇمكىندىگىن ەنگىزىپ جاتىرمىز. مۇنداي وقىتۋ قۇنى 200-300 مىڭ دوللاردى قۇراۋى مۇمكىن.مەملەكەت از دا بولسا، كوپ تە بولسا، قاجەتتى جۇمىستاردى اتقارىپ جاتىر. نەگە مەتسەناتتار وسى بالالارعا ءبىر ات مىڭگىزبەيدى؟ بۇل - قوعامنىڭ قۇندىلىقتار جۇيەسىنە قويىلاتىن ماڭىزدى سۇراق»، - دەدى ايماعامبەتوۆ.

سۇحباتتىڭ تولىق نۇسقاسى:

Abai.kz