كاسىپكەر كەڭەس راقىشەۆ پەن شۋحرات يبراگيموۆ "شۇباركول پرەميۋم" كومپانياسىنىڭ 10 پايىز ۇلەسىن ساتىپ الدى. بۇل تۋرالى Forbes.kz-كە سىلتەمە جاساپ Abai.kz اقپاراتتىق پورتالى جازدى. 

اكتسيونەرلەر قۇرامىنداعى وزگەرىس 13 قىركۇيەكتە بولعان. كومپانيا يەلەرى تىزىمىنەن ءۇش ادام شىعارىلعان.

ءبىرىنشىسى Joint Resources اق - تيمۋر قۇلىباەۆتىڭ كومپانياسى، ول 67 پايىز اكتسيانىڭ يەسى بولعان.

ەكىنشىسى Joint Resources جشس - قۇلىباەۆتاردىڭ سەرىكتەسى راۋشان ساگديەۆانىڭ كومپانياسى جانە Trans Coal Investment Group جشس. كومپانيا باسشىلىعى نە ءۇشىن اۋىسقانى جانە ورنىنا راقىشەۆ پەن يبراگيموۆ نە ءۇشىن كەلگەنى ازىرگە بەلگىسىز.

"شۇباركول پرەميۋم" - كومىر ءوندىرۋشى كومپانيا، قاراعاندى وبلىسىنداعى شۇباركول كەن ورنىندا ورنالاسقان.

ايتا كەتەيىك، Forbes دەرەكتەرى بويىنشا، كەڭەس راقىشەۆ 75 ەڭ باي قازاقستاندىقتىڭ ىشىندە 19-ورىندا تۇر.

Abai.kz