انتيكور بۇگىن مالىمدەمە جاسادى. ا.مىرزاحمەتوۆتىڭ ءىسى بويىنشا ەل قازىناسىنا قوسىمشا 7 ملرد تەڭگە قايتارىلعانىن ايتتى.

«قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى مەملەكەت باسشىسىنىڭ تاپسىرماسىن ورىنداۋ ماقساتىندا زاڭسىز ساتىپ الىنعان اكتيۆتەردى قايتارۋ بويىنشا تۇراقتى نەگىزدە جۇمىس جۇرگىزۋدە.

قازىرگى ۋاقىتتا «اتامەكەن» ۇلتتىق كاسىپكەرلەر پالاتاسىنىڭ بۇرىنعى توراعاسى ا.ي. مىرزاحمەتوۆكە قاتىستى سوتقا دەيىنگى تەرگەپ-تەكسەرۋ بويىنشا مەملەكەت كىرىسىنە 7 ملرد تەڭگە سوماسىندا زاڭسىز الىنعان اقشالاي قاراجات اۋدارىلدى»، - دەلىنگەن رەسمي حابارلامادا.

انتيكور باسىپ جەگەندەردىڭ قوس بۇيىرىنەن قىسىپ، زاڭسىز جاۋكەمدەلگەن ەل قازىناسىن قايتارۋ ءىسىن قارقىندى جالعاستىرىپ جاتقانىن ايتادى. ستاتيستيكاسىنا كوز جۇگىرتسەك، بيىل جىل باسىنان-بەرى قر سىبايلاس جەمقورلىققا قارسى قىزمەت اياقتالعان قىلمىستىق ىستەر شەڭبەرىندە شامامەن 195 ملرد تەڭگەنى قايتا وندىرگەنءىن ايتادى.

ال سوڭعى 2,5 جىلدا تەرەڭ قالتالى ءداۋ-دوكەيلەردەن (وليگوپوليا وكىلدەرىنەن) ەل قازىناسىنا ۇزىن-ىرعاسى 1,09 ترلن تەڭگە قايتارىلعان.

ءسوزسىز! الەۋمەتتىك ادىلەتتىلىكتى قالپىنا كەلتىرۋگە جانە مەملەكەتكە قايتارىلعان اكتيۆتەردى ەلدى دامىتۋ ماقساتىندا پايدالانۋعا باعىتتالعان بۇل جۇمىستىڭ ماڭىزدىلىعىن اتاپ وتكەن ءجون.

Abai.kz