ءيا، رەسەيگە سالىنعان سانكتسياداعى «ەكى جەپ بيگە شىعۋشىلىق تا» «قازاق ءىزىنىڭ» جوقتىعى قۋانتادى.

باتىس پەتر اشقان تەرەزەنى جاپقانىمەن، ەسەبىن تاپقاندار پۋتين رەجىمىنەن ناپاقا تابۋدىڭ سان ءتۇرلى امالىن ويلاپ تابۋدا. وسى ساۋالعا قاتىستى باتىس باق جاۋاپ ىزدەۋگە كوشتى. سونىڭ ءبىرى «ارميان سحەماسى».

بۇل اراداعى ءبىزدىڭ «ارميان سحەماسى» دەگەندەگى ايتپاعىمىز - ليۋكس اۆتوموبيلدەردىڭ رەسەيگە قالاي جول تارتۋشىلىعى جونىندە. تاياۋدا بريتاندىق Sky News تەلەارناسى جۇرگىزگەن تەرگەۋ بارىسىندا ارمەنيانىڭ قاتىسۋىمەن كۇردەلى سحەما انىقتالدى. وعان بىلەك سىبانا قاتىسۋشىلاردىڭ ارقاسىندا رەسەيگە سانكتسيالاردان تىس باتىستا وندىرىلگەن ليۋكس اۆتوموبيلدەر جەتكىزىلىپ جاتىر.

بريتاندىق تەلەجۋرناليستەردىڭ ايتۋىنشا، بۇل «بيزنەسكە» بىرنەشە توپ قاتىسادى. ولاردىڭ بىرەۋى گرۋزيانىڭ رەسەيمەن شەكاراسىنداعى «جوعارعى لارس» شەكارا بەكەتىنە نە تبيليسي اۆتوسالوندارىنان، نە تىكەلەي پوتي مەن باتۋمي پورتتارىنان اۆتوكولىكتەر جەتكىزەدى. بۇل جەردە ماشينالار بىرنەشە كۇنگە قالدىرىلىپ، ءتيىستى قۇجاتتار ازىرلەنەدى.

سانكتسيانى اينالىپ وتۋشىلىككە قاتىستى ىندەتە جۋرناليستىك زەرتتەۋ جۇرگىزىپ جۇرگەن بريتاندىق جۋرناليستەر ارمەنيانىڭ قاتىسۋىمەن جۇزەگە اسىپ كەلە جاتقان كۇردەلى سحەمانى انىقتادى. ارمياندار ءتۇرلى تەتىكتەر ارقىلى رەسەيگە سانكتسيالاردى اينالىپ ءوتىپ، باتىستا وندىرىلگەن ليۋكس اۆتوموبيلدەرگە قول جەتكىزۋىنە جاعداي جاساپ كەلەدى.

سەبەبى ەۋرووداق رەسەيگە قارسى سانكتسيالار ەنگىزگەننەن كەيىن گۇرجىستان تيىسىنشە رەسەيگە اۆتوموبيلدەر جونەلتۋگە تىيىم سالدى. بىراق، كەيىن كەلە بەلگىلى بولعانىنداي، اۆتوكولىكتەردى شەكارا ارقىلى تاسىمالداۋدىڭ «كەيبىر تاسىلدەرى» بار ەكەندىگىن باتىس تا سەزىنە باستادى.

ەۋرواەو-عا مۇشە ارمەنيا قولىندا بار مۇمكىندىگىن قۇر جىبەرمەي، ليۋكس اۆتوموبيلدەرگە ترانزيتتىك تىركەۋ نومىرلەرىن بەرىپ، ودان ءارى تيىسىنشە رەسەيلىك ساپارعا «دايىندايدى». «ارميان» قۇجاتتارى «ۆەرحني لارس» كەدەنىنە كەلىپ تۇسكەننەن كەيىن، گرۋزيا ازاماتتارى رەسەي شەكاراسىن ەشبىر قيىندىقسىز ليۋكس اۆتوموبيلدەرمەن كەسىپ وتەدى. بۇل حارەكەت رەسەيلىك كەدەنشىلەردىڭ دەرەكتەرىندە كورىنىس تاپپايدى.

وسىلايشا، Sky News جۋرناليستەرىنىڭ پايىمداۋىنشا، رەسەيگە ارميان ءنومىرلى اۆتوكولىكتى الىپ بارا جاتقان ادامدى سانكتسيالىق رەجيمدى بۇزعان دەپ ايىپتاۋ مۇمكىن ەمەس. وسىلايشا رەسەيگە قىمبات BMW, Lexus, Mercedes, Range Rover, Porsche جانە Lamborghini مودەلدەرى كەلىپ جەتەدى.

وسىعان بايلانىستى، بىرنەشە اي بۇرىن Sky News ازەربايجانعا Land Rover اۆتوكولىكتەرى ەكسپورتىنىڭ كۇرت ءوسۋىن كەيىننەن، ونى رەسەيگە قايتا ساتۋمەن بايلانىستى ما دەگەن ماسەلەنىڭ باسىن اشۋعا تىرىستى. الايدا بريتاندىق تەلەجۋرناليستەر ەۋرووداق سانكتسيالارىنىڭ بۇزىلعانىن دالەلدەگەن فاكتىلەردى كەلتىرە الماي پۇشايمان كۇيگە ۇشىرادى.

ليۋكس اۆتوموبيلدەردى رەسەيگە تاسىمالداۋدىڭ «سۇر» سحەمالارىنىڭ ءبىرىن اشقان بريتاندىق تەلەارنا ارمەنيا مەن رەسەي اراسىنداعى تاۋار اينالىمىنىڭ قارقىندى ءوسۋى سانكتسيالانعان تاۋارلاردىڭ ەداۋىر بولىگىنىڭ رف اۋماعىنا ارمياندىق دەلدال كومپانيالارىنىڭ كومەگىمەن كەلۋىمەن تىكەلەي بايلانىستى ەكەنىن دالەلدەدى.

بىزدە دە، شىن مانىسىندە ورتالىق ازياداعى ورىس ءتىلدى جىلماقاي بيزنەسمەندەر پۋتيندىك رەجىمنىڭ سويىلىن سوعىپ، سانكتسيانى اينالىپ ءوتۋى ءۇشىن قانداي «سۇر سحەما» قولدانىپ جۇرگەنى ءبىر قۇدايعا عانا دۇنيە.

Abai.kz