ەلوردادا زاڭسىز سالىنىپ جاتقان كوپقاباتتى تۇرعىن ۇيلەردىڭ 37 قۇرىلىس نىسانى انىقتالدى. بۇل تۋرالى استانا قالاسىنىڭ پروكۋراتۋراسى حابارالدى. 

سونىمەن قاتار، جەكەلەگەن كومپانيالار ۇلەسكەرلەردىڭ اقشاسىن زاڭسىز تارتادى.

وسى نەگىزدەر بويىنشا اعىمداعى جىلى اتالعان بۇزۋشىلىقتار ءۇشىن اقبتك-ءتىڭ 320-بابىمەن 64 قۇرىلىس نىسانى بويىنشا 51 قۇرىلىس سالۋشى اكىمشىلىك جاۋاپكەرشىلىككە تارتىلدى.

12 قۇرىلىس سالۋشىعا قاتىستى قىلمىستىق ىستەر تەرگەلۋدە.

استانا قالاسىنىڭ پروكۋراتۋراسى تۇرعىن ءۇي قۇرىلىسىنا ۇلەستىك قاتىسۋ كەلەسى تاسىلدەردىڭ بىرىمەن ۇيىمداستىرىلاتىنىن ەسكە سالادى:

1) تۇرعىن ءۇي قۇرىلىسىنىڭ بىرىڭعاي وپەراتورىنىڭ (قازاقستان تۇرعىن ءۇي كومپانياسى) كەپىلدىگىن الۋ;

2) ەكىنشى دەڭگەيدەگى بانكتىڭ جوباسىنا قاتىسۋ;

3) عيماراتتىڭ قاڭقاسى سالىنعاننان كەيىن ۇلەسكەرلەردىڭ اقشاسىن تارتۋ.

ازاماتتاردىڭ قاراجاتىن باسقا تاسىلدەرمەن تارتۋعا تىيىم سالىنادى (الدىن الا برونداۋ شارتى، برونداۋ، ينۆەستيتسيالاۋ، تالاپ ەتۋ قۇقىعىن باسقاعا بەرۋ).

جاڭا سوعىلىپ جاتقان ۇيدەن پاتەر ساتىپ الماس بۇرىن، قۇرىلىس سالۋشىنىڭ سەنىمدىلىگىن تەكسەرىڭىز.

ول ءۇشىن سىلتەمەنى باسۋ ارقىلى سالىنىپ جاتقان وبەكتىلەرگە كەپىلدىك بەرۋ شارتتارىنىڭ تىزىلىمىمەن («كەپىلدىك وبەكتىلەرى» قويىندىسى), سونداي-اق قازاقستان تۇرعىن ءۇي كومپانياسى شىعارعان كەپىلدىك سەرتيفيكاتتارىمەن تانىسۋعا بولادى («سەرتيفيكاتتار» قويىندىسى).

ەگەر ءCىز جوسىقسىز ازىرلەۋشىگە تاپ بولساڭىز 71-24-87 نومىرىنە قوڭىراۋ شالىڭىز.

Abai.kz