ىشكى ىستەر مينيسترلىگى قىلمىستىق جانە تەرروريستىك ارەكەتتەرمەن اينالىساتىن ادامداردىڭ ەلگە كىرۋىنە جول بەرمەۋ ماقساتىندا زاڭسىز كوشى-قون ارنالارىن انىقتاۋ بويىنشا جۇيەلى جۇمىس جۇرگىزىپ كەلەدى.

ۇيىمداسقان قىلمىسقا قارسى كۇرەس بولىنىستەرى وسى ايدىڭ باسىنان باستاپ زاڭسىز كوشى-قوندى ۇيىمداستىرۋعا قاتىسى بار بىرنەشە قىلمىستىق توپتىڭ جولىن كەستى.

قىلمىستىق سحەمالار مەملەكەتتىك شەكارانى زاڭسىز كەسىپ ءوتۋ، جالعان قۇجاتتاردى قولدانا وتىرىپ، شەتەلدىكتەرگە ۋاقىتشا تۇرۋعا جانە جۇمىس ىستەۋگە رۇقسات بەرۋدى رەسىمدەۋ سياقتى قىزمەتتەردەن تۇرعان، – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

جامبىل وبلىسىندا جەرگىلىكتى تۇرعىن ۇستالدى. ول تاۋلى ايماق ارقىلى ەۋرووداق ەلدەرىنە تابىس ءۇشىن بارعىسى كەلەتىن الىس شەت ەلدەردىڭ ازاماتتارىنا زاڭسىز كوشى-قون ارناسىن ۇيىمداستىرعان.

اتىراۋ وبلىسىندا ۇش شەتەلدىك جالعان قۇجاتتاردى پايدالانا وتىرىپ، قازاقستان اۋماعىندا باسقا شەتەلدىكتەردى تىركەۋمەن اينالىسقان.

وسىعان ۇقساس قىلمىستىق سحەما ەلوردادا اشىلدى. وندا ەڭبەك ميگرانتتارى ءۇشىن قۇجاتتاردى زاڭسىز رەسىمدەۋگە قاتىسى بار بەس جەرگىلىكتى تۇرعىن ۇستالدى.

"بارلىق فاكتىلەر بويىنشا سوتقا دەيىنگى تەرگەپ-تەكسەرۋ جۇرگىزىلۋدە. كىنالىلەر مۇلكى تاركىلەنىپ، جەتى جىلعا دەيىنگى مەرزىمگە باس بوستاندىعىنان ايىرىلۋى مۇمكىن. بۇل باعىتتاعى جۇمىس جالعاسۋدا", – دەدى قۋاندىق الپىس.

Abai.kz