الماتىدا قازاقستان بالالار دارىگەرلەرىنىڭ ح سەزى ءوتىپ جاتىر.

قازاقستان بالالار دارىگەرلەرىنىڭ ح سەزى جۇمىسىنا يتاليا، پولشا، قىرعىزستان، وزبەكستان، ءازىربايجان، رەسەي، بەلارۋس جانە ت.ب. الىس جانە جاقىن شەتەلدەردەن پەدياتريا جانە بالالار حيرۋرگياسى سالاسىنىڭ جەتەكشى عالىمدارى مەن ساراپشىلارى، سونىمەن قاتار ەلىمىزدىڭ ءار وڭىرىنەن 400-دەن استام پەدياترلار مەن بالالار حيرۋرگ-دارىگەرلەرى قاتىسۋدا. باسقوسۋ وففلاين جانە ونلاين تۇرىندە ءوتىپ جاتىر.

شارانىڭ باستى ماقساتى - ەلىمىزدەگى پەدياتريالىق قىزمەتتىڭ جەتىستىكتەرى مەن دامۋ بولاشاعىن سارالاۋ، پەدياتريا جانە بالالار حيرۋرگياسى سالاسىنداعى وزەكتى ماسەلەلەردى كوتەرۋ، جاس عالىمداردىڭ عىلىمي الەۋەتىن ارتتىرۋ، پەدياتريا جانە بالالار حيرۋرگياسى سالاسىنداعى يننوۆاتسيالار بويىنشا جاس عالىمدار اراسىندا تىعىز حالىقارالىق قارىم-قاتىناستى ورناتۋ، جاس مامانداردى عىلىممەن اينالىسۋعا شاقىرۋ.

ەلىمىزدىڭ جانە شەت ەلدىڭ بالالار دارىگەرلەرىنىڭ باسىن قوساتىن سەزدىڭ بەدەلدى الاڭىندا بالالارداعى اۋرۋلاردى ەمدەۋ مەن دياگنوستيكالاۋدىڭ زاماناۋي ادىستەرى، بالالار حيرۋرگياسىنداعى وزەكتى ماسەلەلەر، پەدياتريا جانە بالالار حيرۋرگياسىن دامىتۋدىڭ عىلىمي جانە پراكتيكالىق اسپەكتىلەرى، پەدياتريالىق كادرلاردى دايارلاۋ ماسەلەسى جانە ت.ب. پەدياتريا جانە حيرۋرگيا سالاسىنا قاتىستى وزەكتى ماسەلەلەر تالقىلانىپ، عىلىمي جوبالار ۇسىنىلادى جانە پراكتيكاداعى ەرەكشە كلينيكالىق جاعدايلار ورتاعا سالىنادى. 12 عىلىمي سەسسيادا بارلىعى 121-دەن استام باياندامالار تىڭدالاتىن بولادى. باياندامالاردىڭ تاقىرىپتار اۋقىمى كەڭ.

سەزد اياسىندا ەرتەڭ، 18 قازان كۇنى دوكتورانتتارعا، ماگيسترانتتار مەن رەزيدەنتتەرگە ارنالعان «جاس زەرتتەۋشى: زاماناۋي پەدياتريا جانە بالالار حيرۋرگياسىنىڭ سىن-تەگەۋرىندەرى مەن دامۋ بولاشاعى» اتتى جاس عالىمداردىڭ حالىقارالىق عىلىمي-تاجىريبەلىك كونفەرەنتسياسى وتەدى.

Abai.kz