«Financial Times» گازەتى: «تۇركيا اقش-تىڭ قاۋىپ-قاتەرىنە بايلانىستى 40 ءتۇرلى امەريكالىق تاۋارلاردى رەسەيگە ەكسپورتتاۋعا جاسىرىن تۇردە تىيىم سالدى»، - دەپ جازادى.

ءيا، تۇركيا بيلىگى رەسەيمەن ساۋدا جالعاساتىن جاعدايدا انكارا ءۇشىن «زارداپتار» بولاتىنىن ەسكەرىپ، اقش-تىڭ 40 ءتۇرلى تاۋارىن رەسەيگە ەكسپورتتاۋعا تىيىم سالدى.

تۇركيا 40 ءتۇرلى تاۋاردى رەسەيگە ەكسپورتتاۋعا تىيىم سالدى

سوڭعى اپتالاردا تۇركيا ءوزىنىڭ كەدەندىك جۇيەسىن ايتارلىقتاي رەتكە كەلتىرىپ، اقش بيلىگىنىڭ پىكىرىنشە، ماسكەۋ ءۇشىن «ومىرلىك قاجەتتى» دەپ سانالاتىن جانە اسكەري ماقساتتا پايدالانىلۋى مۇمكىن تاۋارلاردى رەسەيگە جونەلتۋدى توقتاتتى. بۇل تاۋارلاردىڭ iشiندە ميكروچيپتەر مەن قاشىقتان باسقارۋ جۇيەلەرi بار.

بۇعان دەيىن تۇرىك بانكتەرى اقش-تىڭ ماسكەۋمەن قارجى وپەراتسيالارىن جۇرگىزەتىندەرگە سانكتسيا ەنگىزەتىن جارلىعىنا بايلانىستى رەسەيمەن ترانزاكتسيالار سانىن كۇرت ازايتقان ەدى. ال «Bloomberg» حابارلاعانداي، رەسەي ءرۋبلىنىڭ باعامى ءبىر دوللار ءۇشىن 100-گە جاقىنداپ، تومەندەپ بارادى جانە ماسكەۋ بۇعان كەدەرگى كەلتىرمەيدى.

قازاقستان رەسەيگە سانكتسيالاردى اينالىپ وتۋگە كومەكتەسپەيدى

استانا بۇل شەكتەۋلەردى قولداماسا دا، قازاقستان اۋماعىن رەسەيگە قارسى سانكتسيالاردى اينالىپ ءوتۋ ءۇشىن پايدالانۋعا قارسى. بۇل تۋرالى قر ءسىم باسشىسىنىڭ ورىنباسارى رومان ۆاسيلەنكو مالىمدەدى.

«قازاقستان رەسەيگە قارسى سانكتسيالارعا قوسىلعان جوق. سونىمەن قاتار، ءبىز اۋماعىمىزدىڭ سانكتسيالاردى اينالىپ ءوتۋ ءۇشىن پايدالانىلۋىن قالامايمىز»، - دەپ مالىمدەدى ديپلومات.

ونىڭ ايتۋىنشا، استانانىڭ ۇستانىمى بارلىق مۇددەلى تاراپتارعا «بەلگىلى جانە تۇسىنىكتى». وعان رەسەي دە، باتىس تا تۇسىنىستىكپەن قارايدى.

ۆاسيلەنكو سانكتسيالاردى اينالىپ وتپەۋ ءۇشىن بارلىق قاجەتتى شارالار قابىلدانىپ جاتقانىن، ويتكەنى رەسپۋبليكا «جاناما سانكتسيالار بولعانىن قالامايتىنىن» اتاپ ءوتتى.

ول سونداي-اق، استانا مەن ماسكەۋ اراسىنداعى ەكىجاقتى قارىم-قاتىناستاردا «پروبلەما جوق»، بىراق «ءتۇرلى ماسەلەلەر» بار ەكەنىن، ويتكەنى ەكى كورشى مەملەكەتتىڭ قارىم-قاتىناستارى ۇستانعان ۇستانىمدارىنا وراي «ءار ءتۇرلى» ەكەنىن اتاپ ءوتتى.

بۇعان دەيىن قازاقستان پرەمەر-ءمينيسترىنىڭ ورىنباسارى سەرىك جۇمانعارين استانا رەسەيگە قارسى سانكتسيالاردى قولدامايتىنىن، بىراق ولاردى ساقتايتىنىن ايتقان بولاتىن.

«سەبەبى بۇل ەكونوميكالىق تۇرعىدان ءتيىمدى. بىزدە شاعىن ەكونوميكا بار، ارينە، ءبىز سانكتسيالىق قىسىمعا توتەپ بەرە المايمىز»، - دەپ ءتۇسىندىردى جۇمانعارين.

وتكەن جىلدىڭ ءساۋىر ايىندا قازاق بيلىگى تاۋارلاردىڭ ەاەو شەكاراسى ارقىلى وتۋىنە باقىلاۋدى كۇشەيتتى، ال قازان ايىندا رەسەيگە سانكتسيالانعان ءونىمنىڭ 106 ءتۇرىن ەكسپورتتاۋعا تىيىم سالدى.

Abai.kz