الماتىدا بىرنەشە نوميناتسيالار بويىنشا ءدىن سالاسىنىڭ وزەكتى ماسەلەلەرى تۋرالى ۇزدىك ماتەريالداردى (ماقالالار، روليكتەر جانە ت.ب.) دايىنداۋ بايقاۋىنىڭ جەڭىمپازدارى ماراپاتتالادى.

بايقاۋعا 10 نوميناتسيا بويىنشا 220-دان استام ءوتىنىم جۇمىسى كەلىپ ءتۇستى.

سالتاناتتى ماراپاتتاۋ ءراسىمى 29 قازان كۇنى ساعات 11:00-دە «Mercure» قوناق ۇيىندە، «حان-تەنگري» زالىندا وتەدى. اتالعان ءىس-شارانى الماتى قالاسى ءدىن ىستەرى جونىندەگى باسقارماسىنىڭ تاپسىرىسى بويىنشا «JASTAR» دامىتۋ ورتالىعى»  جاستار قوعامدىق بىرلەستىگى ۇيىمداستىردى.

بايقاۋعا الماتى قالاسىندا جۇمىس جاسايتىن جەرگىلىكتى جانە رەسپۋبليكالىق باق جۋرناليستەرى، ستۋدەنتتەر، تاۋەلسىز پۋبليتسيستەر مەن بلوگەرلەر قاتىستى. بايقاۋعا ورىس جانە قازاق تىلدەرىندە بارلىعى 220-دان استام ءوتىنىم جۇمىسى كەلىپ ءتۇستى. ۇسىنىلعان جۇمىستار زايىرلىلىق، تولەرانتتىلىق، قوعامداعى كونفەسسياارالىق كەلىسىم، قازاق حالقىنىڭ رۋحاني قۇندىلىقتارى، ءداستۇر مەن ءدىن، پاتريوتيزم، وتانعا دەگەن ماحاببات، قازاقستاننىڭ تاريحي جانە قاسيەتتى ورىندارى، راديكالدى ءدىني يدەولوگيانىڭ، ءدىني ەكسترەميزم مەن تەرروريزمنىڭ زياندىلىعى سياقتى وزەكتى ماسەلەلەردى قامتىدى.

10 نوميناتسيا بويىنشا جالپى جۇلدە قورى 3 ملن. تەڭگەدەن استام سومانى قۇرايدى.

جۇلدەلەردى تابىستاۋ ءۇشىن ءدىن ىستەرى جونىندەگى باسقارماسى باسشىسىنىڭ ورىنباسارى ايداربەكۇلى اليمبەك شاقىرىلدى. بايقاۋدى ۇيىمداستىرۋشىلار باق پەن بلوگەرلەردىڭ ءدىن سالاسىنداعى اعارتۋشىلىق جۇمىستارىنىڭ ماڭىزدىلىعىن اتاپ ءوتتى. ولاردىڭ پىكىرىنشە، بۇل حالىقتىڭ ءدىني ساۋاتتىلىعىن ارتتىرۋعا، سونداي-اق ءدىني ەكسترەميزم مەن تەرروريزمنىڭ الدىن الۋعا جانە وعان قارسى كۇرەسكە قوسقان قوماقتى ۇلەس بولىپ تابىلادى. بايقاۋدى ۇيىمداستىرۋشى «JASTAR» دامىتۋ ورتالىعى»  جاستار قوعامدىق بىرلەستىگى قازىلار القاسىنىڭ مۇشەلەرىنە اتقارعان جۇمىستارى ءۇشىن جەكە العىستارىن ءبىلدىردى.

Abai.kz