كولىك پروكۋرورلارى 100 ملن تەڭگەدەن استام كونتراباندالىق تاۋارلاردى مەملەكەت كىرىسىنە اينالدىردى. بۇل تۋرالى قر باس پروكۋراتۋراسى مالىمدەدى.

سوڭعى جىلدارى قازاقستاندا كونترابانداعا قارسى كۇرەستىڭ وزەكتىلىگى ارتا تۇسۋدە، بۇعان الماتى اۋەجايىنداعى كەدەندىك باقىلاۋ كەزىندە انىقتالعان جاعدايلار دالەل.

مىسالى، پوشتالىق سالەمدەمەلەردىڭ بىرىنەن اقش-تان ويىنشىق تۇرىندە جالعان قۇجاتتارمەن گاۋھار تاستارى بار زەرگەرلىك بۇيىمدار تابىلدى.

كولىك پروكۋراتۋراسىنىڭ تالاپ- ارىزى بويىنشا تۇركسىب اۋداندىق سوتى تاركىلەنگەن جالپى قۇنى 60 ملن تەڭگەنى قۇرايتىن زەرگەرلىك بۇيىمداردى مەملەكەت مەنشىگىنە وتكىزدى.

الماتى كولىك پروكۋراتۋراسىنىڭ تاعى ءبىر تالاپ-ارىزى بويىنشا سوت تۇركيادان گەوتەكستيل اتىن جامىلىپ كەلگەن جالپى قۇنى 48 ملن تەڭگەدەن اساتىن تاۋارلاردى مەملەكەت كىرىسىنە اينالدىردى. كونتراباندانى انىقتاۋ جانە جولىن كەسۋ جۇمىستارى جالعاسۋدا.

Abai.kz