سەيسمولوگتار بۇگىنگى ءدۇمپۋ ەلىمىزدىڭ جوعارعى سەيسميكالىق اۋماعىندا كۇندەلىكتى بولىپ تۇراتىن بەلگىلى قۇبىلىس ەكەنىن ايتتى.

بۇل تۋرالى "سەيسمولوگيالىق بايقاۋ جانە زەرتتەۋلەر" ۇلتتىق عىلىمي ورتالىعىنىڭ ديرەكتورى مالىمدەدى.

5 قاراشا كۇنى جەرگىلىكتى ۋاقىت بويىنشا ساعات 10.01-دە جەر سىلكىنىسى تىركەلدى. جەر سىلكىنىسىنىڭ ەپيتسەنترى الماتى وبلىسى تالعار اۋدانىنىڭ اۋماعىندا بولدى. ءدۇمپۋ تۇرعىندارعا 3,4 بالل كورسەتكىشىندە سەزىلدى. بۇل سەيسميكالىق جاعداي ەلىمىزدىڭ جوعارعى سەيسميكالىق اۋماعىندا كۇندەلىكتى بولىپ تۇراتىندىعى بەلگىلى قۇبىلىس. قۇرمەتتى ازاماتتار، سىزدەردەن تەك رەسمي مالىمەتتەرگە سەنۋلەرىڭىزدى سۇرايمىن، - دەدى قر تجم "سەيسمولوگيالىق بايقاۋ جانە زەرتتەۋلەر" ۇلتتىق عىلىمي ورتالىعىنىڭ ديرەكتورى داۋلەت سارسەنباەۆ.

Abai.kz