بىشكەكتە الىقۇل وسمونوۆ اتىنداعى مۋزەي-ءۇيى اشىلدى – بۇل تۇركى مادەنيەتى جانە مۇراسى قورىنىڭ جوباسى.

قىرعىزستان استاناسىندا الىقۇل وسمونوۆ مۋزەي-ءۇيىن رەستاۆراتسيالاۋ جانە مۋزەيلەندىرۋ ءساتتى اياقتالىپ، سالتاناتتى اشىلۋ ءراسىمى ءوتتى. جوبانى تۇركى مادەنيەتى جانە مۇراسى قورى جانە بىشكەك قالاسىنىڭ مەرياسى بىرلەسىپ جۇزەگە اسىردى.

لەنتا كەسۋ راسىمىنە تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا، بىشكەك قالاسىنىڭ مەرى ايبەك جۇنىساليەۆ، قىرعىز رەسپۋبليكاسى مادەنيەت، اقپارات، سپورت جانە جاستار ساياساتى ءمينيسترىنىڭ ءبىرىنشى ورىنباسارى شىڭعىس ەسەنگۋلۇلى جانە قىرعىز رەسپۋبليكاسى سىرتقى ىستەر ءمينيسترىنىڭ ورىنباسارى ايبەك مولدوعازيەۆ قاتىستى.

جوبا 2023 جىلعى 3 قاراشادا استانادا وتكەن تۇركى مەملەكەتتەرى ۇيىمى (تمۇ) ءسامميتىنىڭ دەكلاراتسياسىن ىسكە اسىرۋ شەڭبەرىندە جۇزەگە اسىرىلدى. بۇل قوردىڭ تۇركى حالىقتارىنىڭ مادەني الماسۋى مەن مۇراسىن ساقتاۋ ءۇشىن ماڭىزدىلىعىن كورسەتەتىن وسىنداي العاشقى جوباسى.

جوبا اياسىندا قور الىقۇل وسمونوۆتىڭ قىرعىز جانە ازەربايجان تىلدەرىندەگى جازۋشى ءادىل ءجاميلدىڭ اۋدارماسىمەن «زاماننان زامانعا» ولەڭدەر جيناعىن شىعاردى. بۇل باسىلىم «تۇركى ادەبيەتىنىڭ ءىنجۋ-مارجاندارى» سەرياسىنداعى العاشقى باسىلىم بولدى.

مۋزەي-ءۇيدى قالپىنا كەلتىرۋ مەن زاماناۋي جابدىقتاۋدىڭ ارقاسىندا كورنەكتى قىرعىز اقىنى الىقۇل وسمونوۆتىڭ شىعارماشىلىعىن باعالاۋشىلار ۇلى اقىن ءومىر سۇرگەن ءداۋىردىڭ اتموسفەراسى مەن بوياۋى ساقتالعان جەردى تاماشالاۋ مۇمكىندىگىنە يە بولدى.

جاڭا مۋزەي كەڭىستىگى الىقۇل وسمونوۆتىڭ قىرعىزستاندا دا، ودان تىس جەرلەردە دە شىعارماشىلىعىن دامىتۋعا جانە ناسيحاتتاۋعا ىقپال ەتەتىن ماڭىزدى مادەني ورتالىققا اينالادى.

بۇل جوبا تۇركى حالىقتارى اراسىنداعى مادەني الماسۋدى دامىتۋدا، بايلانىستاردى نىعايتۋدا جانە مادەني ديپلوماتيا ءۇشىن جاڭا مۇمكىندىكتەر تۋدىرۋدا تاعى ءبىر قادام بولادى.

انىقتاما: تۇركى مادەنيەتى جانە مۇراسى قورى 2012 جىلى ازەربايجان پرەزيدەنتىنىڭ باستاماسىمەن، قازاقستان، قىرعىزستان جانە تۇركيانىڭ قولداۋىمەن جانە 2015 جىلى قۇرىلدى. قوردىڭ شتاب-پاتەرى باكۋدە ورنالاسقان. ۇيىمنىڭ نەگىزگى ماقساتى-تۇركى مادەنيەتىن ساقتاۋ، زەرتتەۋ جانە ناسيحاتتاۋ. قور الەمدىك ارەنادا تۇركى مادەنيەتىن ناسيحاتتاي وتىرىپ، يۋنەسكو-مەن جانە باسقا دا حالىقارالىق ۇيىمدارمەن بەلسەندى ىنتىماقتاسادى. 2023 جىلى قوردىڭ پرەزيدەنتى العاش رەت قازاقستان وكىلى — اقتوتى رايىمقۇلوۆا بولدى، بۇل قازاقستاننىڭ تۇركى مۇراسىن دامىتۋعا قوسقان ۇلەسىن ارتتىردى. قور الىقۇل وسمونوۆ اتىنداعى مۋزەي-ءۇيى سياقتى ءىرى قالپىنا كەلتىرۋ جوبالاردى قولداپ، تۇركى اۆتورلارىنىڭ ماڭىزدى ادەبي شىعارمالارىن شىعارادى.  2025 جىلى قور ءوز قىزمەتى اياسىندا قازاقستانداعى ەجەلگى قۇلان سارايىن مەمورياليزاتسيالاۋدى جوسپارلاپ وتىر. قور تۇركى الەمىنىڭ مادەني مۇراسىن ساقتاۋ، زەرتتەۋ، ىلگەرىلەتۋ سالاسىنداعى جوبالاردى قولدايدى جانە ىسكە اسىرادى.

Abai.kz