«مادەنيەت جانە اقپارات مينيسترلىگىنىڭ قۇزىرەتىندەگى مەكەمەلەردىڭ اينالاسىنداعى داۋدىڭ توقتاماي تۇرعانىن وزدەرىڭىز جاقسى بىلەسىزدەر. قارا شاڭىراعىمىز «قازاقفيلم» قازىر تالان-تاراجعا سالىنىپ، قۇرۋعا جاقىن قالدى، اباي اتىنداعى وپەرا جانە بالەت تەاترىن كەيىنگى ۋاقىتتا مەيرامحانا قىلعان فاكتىلەر بار. مەندە دالەل جوق ەمەس، بار. سوندىقتان ايتىپ وتىرمىن، - دەدى رينات زايتوۆ ءماجىلىستىڭ جالپى وتىرىسىندا.

حالىق قالاۋلىسىنىڭ ساۋالىنا مادەنيەت جانە اقپارات ءمينيسترى ايدا بالاەۆا جاۋاپ بەردى.

«كينەماتوگرافياعا قاتىستى ءوزىمنىڭ ناقتى ۇسىنىستارىمدى باياندادىم. ونىڭ ىشىندە اتقارىلىپ جاتقان جۇمىستاردى سىزدەردىڭ الدارىڭىزدا تانىستىردىم. سۇراقتارعا جاۋاپ بەرۋگە دايىنمىن. ال، ۇيىمدارعا قاتىستى سۇراقتار بولسا ونى قاراۋعا بولادى، بىراق جۇمىستى جوققا شىعارىپ، جامان دەپ ايتۋ، مەنىڭ ويىمشا دۇرىس ەمەس»، - دەيدى ۆەدومستۆو باسشىسى.

Abai.kz