جوعارى وقۋ ورنىندا ساپالى ءبىلىم بەرۋ – ەلدىڭ الەۋمەتتىك-ەكونوميكالىق دامۋىنىڭ نەگىزى بولىپ تابىلاتىن باستى فاكتورلاردىڭ ءبىرى.

بۇگىنگى تاڭدا الەمدىك جاھاندانۋ، تەحنولوگيالىق دامۋ جانە ەڭبەك نارىعىنداعى جىلدام وزگەرىستەر جوعارى ءبىلىم بەرۋ جۇيەسىنە جاڭا تالاپتار قويادى. جوعارى وقۋ ورىندارى ساپالى مامان دايارلاۋ ءۇشىن، تەك تەوريالىق ءبىلىم بەرۋمەن شەكتەلمەي، ستۋدەنتتەردى سىن تۇرعىسىنان ويلاۋعا، دەربەس شەشىم قابىلداۋعا جانە پراكتيكادا ءتيىمدى ارەكەت ەتۋگە ۇيرەتۋى قاجەت.بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى.

«تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ.تۇراقتى دامۋ ماقساتتارى كونتسەپتسياسىنىڭ 4 ءبولىمى - ساپالى  ءبىلىم. ساپالى ءبىلىم بەرۋ وقىتۋشىنىڭ بىلىكتىلىگىنە تىكەلەي بايلانىستى. وقىتۋشىلاردىڭ كاسىبي دامۋ باعدارلامالارىنا قاتىسۋى، شەتەلدىك تاجىريبەدەن ءوتۋى جانە پەداگوگيكالىق ادىستەردى جەتىلدىرۋى ءبىلىم ساپاسىنىڭ نەگىزى.

الەمدىك ءبىلىم بەرۋ جۇيەسى ۇزدىكسىز جاڭارۋدى تالاپ ەتەدى. جوعارى وقۋ ورىندارى ءوز باعدارلامالارىن ءاردايىم ەڭبەك نارىعىنداعى قاجەتتىلىكتەرگە ساي بەيىمدەۋى ءتيىس. بۇل تەك اكادەميالىق ءبىلىم ەمەس، سونىمەن قاتار ستۋدەنتتەرگە اناليتيكالىق جانە كاسىپكەرلىك داعدىلاردى ۇيرەتۋدى دە قامتيدى. وسى جايتتى ەسكەرە وتىرا، ءال-فارابي اتىنداعى قازۇۋ  جاڭا وقۋ باعدارلاماسىمەن جانە زامانعا ساي وقىتۋ ۇلگىسىن قولعا الدى. ساپالى ءبىلىم بەرۋدە تەوريالىق ءبىلىمدى پراكتيكامەن ۇشتاستىرۋ ماڭىزدى.

وقۋ وردامىزدا ستۋدەنتتەر تەك وقۋ اۋديتورياسىندا ەمەس، سونىمەن قاتار تاجىريبەلىك ساباقتار، كاسىبي تاجىريبەلەر، جوبالىق جۇمىستار ارقىلى ءوز بىلىمدەرىن ناقتى ومىردە قولدانا بىلەدى دەپ ەسەپتەيمىن. كاسىپورىندارمەن، عىلىمي-زەرتتەۋ ورتالىقتارىمەن ىنتىماقتاستىق، تاعىلىمدامالار ساپالى پراكتيكالىق ءبىلىم بەرۋدىڭ نەگىزگى ەلەمەنتتەرى بولىپ تابىلادى. ساپالى ءبىلىم بەرۋدىڭ نەگىزى – بىلىكتى وقىتۋشىلار. بىلىكتىلىكتى ارتتىرۋ كۋرستارى، شەتەلدىك تاجىريبە الماسۋ، كاسىبي كونفەرەنتسيالارعا قاتىسۋ – وقىتۋشىلاردىڭ ءبىلىم دەڭگەيىن ارتتىرىپ، ستۋدەنتتەرگە ساپالى ءبىلىم بەرۋىنە ىقپال ەتەدى. ءال-فارابي اتىنداعى قازۇۋ مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق كافەدراسىنىڭ ماماندارى  وز سالاسىنداعى جاڭا زەرتتەۋلەردى، زاماناۋي وقىتۋ ادىستەرىن مەڭگەرگەن. ساپالى ءبىلىم بەرۋ ءۇشىن جوعارى وقۋ ورىندارى ستۋدەنتتەردىڭ قاجەتتىلىكتەرىنە باعىتتالعان وقىتۋ تاسىلدەرىن ەنگىزۋى قاجەت دەپ ساناميمىن.

قازۇۋ-دا ستۋدەنتتەردىڭ شىعارماشىلىق، زەرتتەۋشىلىك قابىلەتتەرىن، كاسىبي دامۋىن قولداي وتىرىپ، وقۋ پروتسەسىن دارالاۋعا مۇمكىندىك بار. ءاربىر ستۋدەنتكە جەكە تاسىلمەن قاراپ، ولاردىڭ تالانتتارى مەن قابىلەتتەرىن دامىتۋعا جاعداي جاسالعان. جوعارى وقۋ ورنىندا ساپالى ءبىلىم بەرۋ – ەلدىڭ ينتەللەكتۋالدىق الەۋەتىن دامىتۋداعى ماڭىزدى فاكتورلاردىڭ ءبىرى. وقۋ ورىندارى ەڭبەك نارىعىنداعى قاجەتتىلىكتەردى ەسكەرە وتىرىپ، ستۋدەنتتەردى بىلىممەن قاتار، ومىرلىك جانە كاسىبي داعدىلارمەن قامتاماسىز ەتۋى قاجەت. ساپالى ءبىلىم بەرۋ ارقىلى جوعارى وقۋ ورىندارى كەلەشەك مامانداردىڭ باسەكەگە قابىلەتتىلىگىن ارتتىرىپ، ەلدىڭ ەكونوميكالىق دامۋىنا، قوعامنىڭ تۇراقتى بولاشاعىنا ءوز ۇلەسىن قوسادى.

يبراەۆا ا.س.،

ءال-فارابي اتىنداعى قازۇۋ مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق كافەدراسىنىڭ پروفەسسورى، ز.ع.د. 

اۋباكيروۆ ە.

ءال-فارابي اتىنداعى قازۇۋ  زاڭ فاكۋلتەتىنىڭ 1 كۋرس ماگيسترانتى 

Abai.kz