ءباسپاسوز قىزمەتىنىڭ مالىمەتتەرىنە قاراعاندا، مەملەكەت باسشىسىنىڭ تاپسىرماسى بويىنشا قۇرىلعان ءبىلىم بەرۋ ينفراقۇرىلىمىن قولداۋ قورى جەمقورلاردان تاركىلەنگەن قاراجات ەسەبىنەن تولىقتىرىلىپ كەلەدى. مەكتەپتەردە ورىن جەتىسپەۋشىلىگى ماسەلەسىن شەشۋ ءۇشىن جاڭادان ءبىلىم بەرۋ ۇيىمدارىن سالۋ نەمەسە جاڭعىرتۋ، وعان جاپسارلاس قۇرىلىس سالۋ جۇزەگە اسىرىلۋدا.

«مەملەكەت بالالار ءۇشىن جايلى ءارى قاۋىپسىز ءبىلىم بەرۋ ورتاسىن قالىپتاستىرۋعا ەرەكشە كوڭىل بولەدى. بۇگىنگى تاڭدا 70 مىڭعا جۋىق ورىندىق 55 مەكتەپ پايدالانۋعا بەرىلدى. جىل سوڭىنا دەيىن تاعى 7 نىساندى ىسكە قوسۋ جوسپارلانۋدا»، — دەپ اتاپ ءوتتى ينفراقۇرىلىمدى دامىتۋ دەپارتامەنتىنىڭ باسقارما باسشىسى جايىق ماقسۇتوۆ.

وسىلايشا، 2024 جىلدىڭ باسىنان بەرى 18 جاڭا مەكتەپ سالىندى. بۇل مەكتەپتەردىڭ باسىم بولىگى استانا قالاسىندا جانە ماڭعىستاۋ، الماتى، جامبىل وبلىستارىندا ورنالاسقان. جاڭا مەكتەپتەردە جايلى ءبىلىم الۋ ورتاسىن قۇرۋ ءۇشىن قاجەتتى جاعدايلار جاسالعان. اتالعان وڭىرلەردەگى بۇل مەكتەپتەردىڭ قۇرىلىسى 9 ءبىلىم بەرۋ ۇيىمىنىڭ، ونىڭ ىشىندە، 6 ءۇش اۋىسىمدى، 2 اپاتتى جانە 1 ەسكى مەكتەپتەگى ورىن تاپشىلىعى ماسەلەسىن شەشۋگە مۇمكىندىك بەردى.

Abai.kz