مەملەكەت باسشىسى قاسىم-جومارت توقاەۆ قارۋلى كۇشتەرى قۇرلىق اسكەرلەرىنىڭ جانە «وڭتۇستىك» وڭىرلىك قولباسشىلىعى اسكەرلەرىنىڭ قوباسشىلارىن تاعايىندادى، دەپ حابارلادى اقوردا.

سونىمەن، قانداي اۋىس-تۇيىستەر جاسالدى؟ قاراڭىز:

1) اسان قۋانىشۇلى ءجۇسىپوۆ قازاقستان رەسپۋبليكاسىنىڭ قارۋلى كۇشتەرى قۇرلىق اسكەرلەرىنىڭ باس قولباسشىسى لاۋازىمىنان بوساتىلدى.

2) قۋانىشبەك وسكەنبايۇلى ۇشتاەۆ «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى لاۋازىمىنان بوساتىلدى.

3) مەرەكە ءماتىمۇلى كوشەكباەۆ قازاقستان رەسپۋبليكاسىنىڭ قارۋلى كۇشتەرى قۇرلىق اسكەرلەرىنىڭ باس قولباسشىسى لاۋازىمىنا تاعايىندالدى.

4) گەنەرال-مايور ەرجان يبراەۆ «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى بولىپ تاعايىندالدى.

ەرجان ۋاقاسۇلى يبراەۆ كىم؟

گەنەرال-مايور ەرجان ۋاقاسۇلى يبراەۆ بۇعان دەيىن «استانا» وڭىرلىك قولباسشىلىعى اسكەرلەرىن باسقارعان. گەنەرال-مايور ەرجان يبراەۆ ۆزۆود كومانديرىنەن باستاپ، «استانا» وڭىرلىك قولباسشىلىعى اسكەرلەرىنىڭ قولباسشىسىنا دەيىنگى مانساپتىق جولدان ءوتتى.

1995 جىلى الماتى جوعارى جالپى اسكەري كوماندالىق ۋچيليششەسىن، 2009 جىلى ۇلتتىق قورعانىس ۋنيۆەرسيتەتىن، 2020 جىلى رف قك باس شتابىنىڭ اسكەري اكادەمياسىن «ۇلتتىق قاۋىپسىزدىك جانە مەملەكەتتىڭ قورعانىسى» ماماندىعى بويىنشا بىتىرگەن. ۇيلەنگەن، 3 بالا تاربيەلەپ وتىر.

مەرەكە ءماتىمۇلى كوشەكباەۆ كىم؟

ال گەنەرال-مايور مەرەكە ءماتىمۇلى كوشەكباەۆ بۇعان دەيىن باس شتاب باستىعى – قر قك قۇرلىق اسكەرلەرى باس قولباسشىسىنىڭ ءبىرىنشى ورىنباسارى بولدى.

گەنەرال-مايور مەرەكە كوشەكباەۆ اسكەري ۋچيليششە كۋرسانتىنان باستاپ قۇرلىق اسكەرلەرى قولباسشىسىنىڭ ءبىرىنشى ورىنباسارىنا دەيىنگى مانساپتىق جولدان ءوتتى. ول ءار جىلدارى جاۋىنگەرلىك دايىندىق بويىنشا جاۋاپتى قىزمەتتەر اتقاردى. بىرنەشە اسكەري بولىمدەردىڭ كومانديرى، قر قارۋلى كۇشتەرى قۇرلىق اسكەرلەرى دەسانتتىق-شابۋىلداۋ اسكەرلەرىنىڭ، «وڭتۇستىك» وڭىرلىك قولباسشىلىعىنىڭ قولباسشىسى بولدى. 1997 جىلى الماتى جوعارى جالپىاسكەري كوماندالىق ۋچيليششەسىن، 2007 جىلى ۇلتتىق قورعانىس ۋنيۆەرسيتەتىن، 2019 جىلى رف قك باس شتابىنىڭ اسكەري اكادەمياسىن بىتىرگەن.

II دارەجەلى «دانق»، II دارەجەلى «ايبىن» وردەندەرىمەن، ۆەدومستۆولىق ناگرادالارمەن جانە مەرەيتويلىق مەدالدارمەن ماراپاتتالعان.

Abai.kz