ۇكىمەتتە وتكەن ءباسپاسوز ءماسليحاتىندا  وقۋ-اعارتۋ ءمينيسترى عاني بەيسەمباەۆ ەكى ەلدىڭ كەلىسىمى بويىنشا قازاق مەكتەپتەرى رەسەيدىڭ قاي قالالارىندا سالىناتىنىن ايتتى. مينيستر استراحان، ورىنبور جانە توم قالاسى ەكەنىن جەتكىزدى.

– اتالعان وڭىرلەر زەرتتەلىپ جاتىر (رەسەيدە قازاق مەكتەپتەرى قاجەت وڭىرلەر). بۇل تولىققاندى پروتسەس. قالالار قازىر شامامەن ايقىندالدى. ەندى كەلەسى قادام – سول قالادا سالىناتىن ورىنى. قالالار تاڭدالعان كەزدە قازاق باۋىرلارىمىزدىڭ كوپ شوعىرلانعان جەرلەردە مەكتەپ سالۋ – ەڭ باستى ماقسات بولدى. سوندىقتان، بۇل قالالاردىڭ تاڭدالۋى دا، ول جەردەگى مەكتەپتىڭ سوعىلۋى دا ەكىجاقتى پىسىقتالىپ جاتىر. بۇل ءالى دە ءبىرشاما ۋاقىتتى الادى. سوندىقتان، جەرىن انىقتاۋ، كەلىسىمشارتقا قول قويۋ، ودان كەيىن قۇرىلىسى، قانداي بولاتىنى ءبىرشاما ۋاقىتتى قاجەت ەتەدى. سالۋ – شەشىم قابىلدانعان دۇنيە. بۇل باعىتتا جۇمىس جۇرگىزىلىپ جاتىر، – دەيدى ول.

Abai.kz