وڭتۇستىك كورەياداعى ساياسي احۋالعا بايلانىستى سىرتقى ىستەر مينيسترلىگى مالىمدەمە جاسادى.

سىرتقى ىستەر ءمينيسترىنىڭ ورىنباسارى الىبەك باقاەۆ وڭتۇستىك كورەياداعى جاعدايدان وتانداستارىمىز زارداپ شەكپەگەنىن ايتتى.

– وڭتۇستىك كورەياداعى قازاقستان ەلشىلىگى ازاماتتارىمىز ارقاشان بايلانىستا بولادى. مەنىڭ بىلۋىمشە، بۇل ساياسي جاعداي شەشىلىپ جاتىر. ءبىزدىڭ سىرتقى ساياساتىمىز – ءۇشىنشى مەملەكەتتىڭ ىشكى ساياساتىنا ارالاسپايمىز، ەشقانداي باعا بەرمەيمىز. باستى ماقساتىمىز – وڭتۇستىك كورەيادا تۇراتىن ازاماتتارىمىزدى قورعاۋ، - دەدى ول.

سىرتقى ىستەر ءمينيسترىنىڭ ورىنباسارى الىبەك باقاەۆ قازاقستان مەن وڭتۇستىك كورەيا اراسىندا ۆيزاسىز رەجيم بار ەكەنىن ەسكە سالدى. وندا 30 مىڭنان استام ازاماتىمىز بار.

ول ىشكى ساياسي جاعدايدان زارداپ شەككەندەر مەن پوليتسيا ۇستاعاندار ىشىندە قازاقستان ازاماتتارى جوق دەپ ايتتى.

Abai.kz