بۇگىننەن باستاپ جول قاۋىپسىزدىگىن ارتتىرۋعا جانە جول-كولىك وقيعاسىن ازايتۋعا باعىتتالعان زاڭ كۇشىنە ەندى.

ونىڭ وزگەرگەن تۇستارى حالىقارالىق جانە رەسپۋبليكالىق ماڭىزى بار جولدارمەن جۇرەتىن بارلىق جۇرگىزۋشىگە قاتىستى.

اۆتوماتتى تىركەۋ جۇيەسى ارقىلى «ورتاشا جىلدامدىقتى» اسىرعاندار جاۋاپكەرشىلىككە تارتىلادى. «ورتاشا جىلدامدىق» جۇرگەن جولدىڭ ۇزاقتىعىن ءجۇرىپ وتكەن ۋاقىتقا ءبولۋ ارقىلى ەسەپتەلەدى.

«رۇقسات ەتىلگەن «ورتاشا جىلدامدىقتان» اسىپ كەتسە ايىپپۇل 5-تەن 40 اەك كولەمىندە بولادى. ياعني جولداردىڭ ءتۇرلى ۋچاسكەلەرىندە «ورتاشا جىلدامدىق» ءارتۇرلى بولادى، سەبەبى فورمۋلاعا سايكەس ءار اۆتوكولىك اۆتوماتتى تۇردە ەسەپتەلەدى»، - دەدى ءىىم اكىمشىلىك پوليتسيا كوميتەتىنىڭ اعا ينسپەكتورى اقتوتى بورانوۆا.

تراسسالارداعى جول اپاتىنداعى ءاربىر ءۇشىنشى ادامنىڭ ءولىمى جىلدامدىقتى اسىرۋ سالدارىنان بولعان.

Abai.kz