الماتى قالاسى الاتاۋ اۋدانى № 180 مەكتەپ- گيمنازيانىڭ ءبىلىم الۋشىلارىمەن الماتى قالاسى قوعامدىق دامۋ باسقارماسىنىڭ قولداۋىمەن «جاستار ءۇنى» رەسپۋبليكالىق قوعامدىق بىرلەستىگىنىڭ ۇيىمداستىرعان «مەملەكەتتىك رامىزدەر» تاقىرىبىندا Abai.kz اقپاراتتىق پورتالىنىڭ باس رەداكتورى، ساياساتتانۋشى نۇرگەلدى ابدىعاني مەن الماتى قالاسى بويىنشا «اسسامبلەيا جاستارى» رقب توراعاسى رۋستام قايرىەۆپەن كەزدەسۋ ءوتتى.

كەزدەسۋدىڭ ماقساتى - جاس ۇرپاققا مەملەكەتتىك رامىزدەردى زەردەلەۋ جانە ناسيحاتتاۋ، ولاردىڭ بويىندا پاتريوتتىق سانانى قالىپتاستىرۋ.

سۋرەت: الاتاۋ اۋدانى № 180 مەكتەپ-گيمنازياسىنان الىندى.

كەزدەسۋ بارىسىندا كەش قوناقتارى بۇگىنگى كۇنى ءاربىر جاس ۇرپاقتى مەملەكەتتىك تۋدى، مەملەكەتتىك ەلتاڭبانى، مەملەكەتتىك گيمندى قۇرمەتتەۋگە تاربيەلەۋ، وسكەلەڭ ۇرپاقتىڭ ەلىمىزدىڭ باستى رامىزدەرى تۋرالى ءبىلىمىن ارتتىرۋ وتە ماڭىزدى ەكەنىن ايتا وتىرىپ، قادىر-قاسيەت، ار-نامىس، ادالدىق، پاتريوتيزم، جاۋاپكەرشىلىك، ادەپتىلىك، مەيىرىمدىلىك، سۇيىسپەنشىلىك، ۇلكەنگە ىزەت، كىشىگە قۇرمەت سياقتى قاسيەتتەرگە يە تۇلعانى تاربيەلەۋ ماڭىزدى ەكەنىن اتاپ ءوتتى.

كەش سوڭىندا ءبىلىم الۋشىلار وزدەرىنىڭ وسى كەشتە العان اسەرلەرىمەن ءبولىسىپ، ريزاشىلىقتارىن ءبىلدىردى.

Abai.kz