يتاليانىڭ قازاقستانداعى ەلشىسى ماركو البەرتي قازاقستان تۋرالى كىتاپ جازىپ جاتىر.

يتاليانىڭ قازاقستانداعى ەلشىسى ماركو البەرتي «Kazakhstan in 10 words» اتتى كىتاپ شىعارۋعا دايىندىق ۇستىندە. بۇل تۋرالى ديپلومات «Born Bold. Travel Boldcast» پودكاستىندا مالىمدەدى.

ەلشى ءوز كىتابىندا قازاقستاندى جەكە تاجىريبەسى مەن قىزمەتتىك جۇمىسى نەگىزىندە سيپاتتايدى. بۇل ەڭبەك ەلدى جاڭا قىرىنان تانىتىپ، قازاقستان رەسپۋبليكاسىمەن جاقىن تانىسۋدى قالايتىن وقىرماندارعا ارنالادى.

اۆتوردىڭ سوزىنشە، كىتاپتىڭ ەرەكشەلىگى – قازاقستاندى سيپاتتايتىن 10 نەگىزگى ۇعىمعا نەگىزدەلۋى.

«مەن بىرنەشە تانىسىما مەملەكەتتى جان-جاقتى سيپاتتايتىن ءبىر ءسوزدى اتاۋدى ءوتىندىم.ياعني، بەرىلگەن سوزدەر نەگىزىندە ءوزىمنىڭ تاجىريبەمدى بايانداۋدى ۇيعاردىم. بۇل – كىتابىمنىڭ نەگىزگى يدەياسى.

مەن قازاقستاندى ءوزىمنىڭ جەكە تاجىريبەم نەگىزىندە ىشكى الەمىن جان-جاقتى كورسەتكىم كەلەدى.كىتاپ 50-60 بەتتەن تۇرادى. ونى بەستسەللەر جاساۋ ماقساتىم بولمادى. بۇل – قازاقستانداعى ءومىرىمنىڭ ەرەكشە ساتتەرىن ەسكە تۇسىرەتىن ەڭبەك. ەگەر سىزدە قۇندى تاجىريبە بولسا، ونى ءبولىسۋ ماڭىزدى دەپ بىلەمىن. بۇل – ادامزاتتىڭ دامۋىنا سەپتىگىن تيگىزەتىن قادام. مەن بۇل ەڭبەكتى مەنەن كەيىنگى جاس بۋىنعا قالدىرعىم كەلەدى.وسكەلەن جاس ۇرپاق مەنىڭ تاجىريبەمدى پايدالانا وتىرىپ، ءبىز اتقارعان جۇمىستاردى ودان ءارى دامىتا الادى»، – دەدى ەلشى.

كىتاپ ەكى تىلدە جارىق كورمەك. كىتاپتى قازاقستاندىقتارمەن قاتار شەتەلدىك وقىرماندار دا وقي الادى.

Abai.kz