اسكەري-اۋە كۇشتەرى قۇنى 145 ملن ەۋرو تۇراتىن اسكەري ۇشاقپەن تولىقتى بۇل تۋرالى قر قورعانىس مينيسترلىگىنىڭ ءباسپاسوز قىزمەتى مالىمدەدى.

الماتىدا قورعانىس ءمينيسترى گەنەرال-پولكوۆنيك رۋسلان جاقسىلىقوۆ قارۋلى كۇشتەردىڭ اۆياتورلارى مەن ءىس-شارا قوناقتارىن وسى وقيعامەن قۇتتىقتادى. 2021 جىلى Airbus Defence and Space كومپانياسىمەن جاسالعان كەلىسىمشارتقا سايكەس، ەكىنشى ۇقساس اۋە كەمەسىن جەتكىزۋ 2026 جىلى كۇتىلۋدە.

– A-400M اسكەري جانە گۋمانيتارلىق ماسەلەلەردى شەشۋدىڭ ماڭىزدى قۇرالى بولادى. بۇل ۇشاق قازاقستاننىڭ حالىقارالىق بىتىمگەرشىلىك ميسسيالارعا قاتىسۋى ءۇشىن جاڭا پەرسپەكتيۆالار اشادى، بۇل ءبىزدىڭ الەمدىك ارەناداعى مارتەبەمىزدى ارتتىرادى، – دەپ اتاپ ءوتتى قازاقستان اۋە كۇشتەرىنىڭ بۇرىنعى قولباسشىسى، زاپاستاعى گەنەرال-مايور الساي جۇمانوۆ.

ا-400م اسكەري-جۇك ۇشاعى 37 توننا جۇكتى تاسىمالداۋعا قابىلەتتى. ماكسيمالدى جىلدامدىعى ساعاتىنا 802 كم. ال ۇشۋ بيىكتىگى – 12200 م، پراكتيكالىق قاشىقتىعى – 7870 كم. قازاقستان وسىنداي اۋە كەمەسى بار الەمدەگى توعىزىنشى ەل بولدى.

Abai.kz