كەشە قوعامدىق ءتارتىپتى بۇزعانى ءۇشىن شەرزات بولاتتىڭ اكەسى قارجاۋباي نۇرىموۆتىڭ ۇستالعانى تۋرالى جازعان بولاتىنبىز. ال بۇگىن قارجاۋبايمەن بىرگە وتباسىنىڭ جاقىن تۋىستارى دا اكىمشىلىك جازاعا تارتىلدى.

ەڭبەكشىقازاق اۋداندىق سوتىنىڭ شەشىمىمەن قارجاۋباي نۇرىموۆ 15 تاۋلىككە قامالدى.

- قوعامدىق ورىندا بالاعات سوزدەر ايتقانى، قۇقىق قورعاۋ ورگاندارىنىڭ قىزمەتكەرلەرىن قورلاپ، سونداي-اق قوعامدىق ءتارتىپ پەن ازاماتتاردىڭ تىنىشتىعىن بۇزاتىن، اينالاسىنداعىلارعا قۇرمەتسىزدىك تانىتاتىن ءىس-ارەكەتتەر جاساعانى جانە كولىك قۇرالدارىنىڭ قوزعالىسى ءۇشىن كەدەرگىلەر جاساعانى ءۇشىن (اقبتق 434 -بابىنىڭ 1 - ءبولىمى) ازامات قارجاۋباي نۇرىموۆ 15 تاۋلىككە اكىمشىلىك قاماۋعا الىندى، - دەپ حابارلادى وبلىستىق سوتتان.

سونداي-اق س.نۇرىموۆا ۇساق بۇزاقىلىق جاساعانى ءۇشىن 20 اەك مولشەرىندە ايىپپۇل سالۋمەن اكىمشىلىك جاۋاپكەرشىلىككە تارتىلدى. قر بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزعانى ازاماتتىعى جوق ب.رەيموۆا اكىمشىلىك تارتىپپەن 15 تاۋلىككە قاماۋعا الىنىپ، كەيىننەن قازاقستان اۋماعىنان شىعارىپ جىبەرىلدى.

قارجاۋباي مەن پوليتسيا وكىلدەرىنىڭ شيەلەنىسى ءىنىسىنىڭ جەرلەۋ راسىمىندە بولدى. سەبەبى پوليتسيا الدىن الا سوت-مەديتسينا ساراپتاماسى 30 جاستاعى نۇرعانات عايىپباەۆ اسىلىپ ولگەن دەگەن قورىتىندى جاسادى دەپ حابارلادى

ساراپتاما قۇجاتىندا مارقۇمنىڭ "دەنەسىندە زورلىق-زومبىلىق بەلگىلەرى جوق", موينىندا ادام اسىلىپ ولگەندە قالاتىن ءىز بار، ال "قۇلاعىنىڭ ارتى مەن جەلكە تۇسىنداعى جاراعا ۇقساس ىزدەر مارقۇم اسىلعان زات قاجاعاننان پايدا بولۋى مۇمكىن" دەپ جازىلعان.

بۇعان دەيىن قارجاۋباي نۇرىموۆ جەلىدەگى پاراقشاسىنا عايىپباەۆتىڭ دەنەسىندە قالعان كوگەرگەن ىزدەر كورىنەتىن فوتو جاريالاعان ەدى. الماتى وبلىسىنىڭ پوليتسياسى دا سەيسەنبىدە تەلەگرام-ارناسىندا سول فوتونى جاريالادى، تەك سۋرەتتى بۇلدىراتىپ قويعاندىقتان، ىزدەر انىق كورىنبەيدى.

Abai.kz