قازاقستاندا سيريادا سوعىسقان ەكى لاڭكەس سوتتالدى. بۇل تۋرالى قر  ۇلتتىق قاۋىپسىزدىك كوميتەتىنىڭ ءباسپاسوز قىزمەتى حابارلادى.

«ۇلتتىق قاۋىپسىزدىك كوميتەتى قازاقستاننىڭ ەكى ازاماتىنا قاتىستى تەرگەگەن قىلمىستىق ىستەر بويىنشا سوت پروتسەستەرى اياقتالدى. ولار 2020-2022 جىلدارى سيرياداعى تەرروريستىك ۇيىمداردىڭ قاتارىندا بولعان. شەتەلدىك سەرىكتەستەرمەن بىرلەسە جۇرگىزىلگەن ءىس-شارالار ناتيجەسىندە ولار شەتەلدە انىقتالىپ، ەلگە جەتكىزىلىپ، قاماۋعا الىندى»، - دەلىنگەن دۇيسەنبى كۇنى تاراتقان حابارلامادا.

ولاردىڭ ءبىرى تۇركىستان وبلىسىنىڭ تۇرعىنى – لاڭكەستىك توپتىڭ ارەكەتىنە قاتىسقانى ءۇشىن كىنالى دەپ تانىلسا (قك-ءنىڭ 257-بابى), ەكىنشىسى اتىراۋ قالاسىنىڭ تۇرعىنى – وسىعان ۇقساس قىلمىس جاساعانى ءۇشىن سوتتالدى.

«ەكى سوتتالۋشىعا دا جازاسىن وتەۋدىڭ ءارتۇرلى مەرزىمدەرى تاعايىندالدى، ۇكىمدەر زاڭدى كۇشىنە ەندى»، - دەپ تولىقتىردى ۇلتتىق قاۋىپسىزدىك كوميتەتى.

Abai.kz