2024 جىلعى 25 جەلتوقساندا اقتاۋ ماڭىندا جولاۋشىلار ۇشاعى قۇلادى. ۇشاق باكۋ-گروزنىي باعىتىندا ۇشقان.

ۇشاقتا ناقتى قانشا جولاۋشى بولعانى انىقتالۋ ۇستىندە. الدىن الا اقپارات بويىنشا بورتتا 62 جولاۋشى مەن 5 ەكيپاج بولعان. تاعى ءبىر اقپاراتتا ۇشاقتا 105 جولاۋشىنىڭ بولعانى ايتىلادى. جولاۋشىلاردىڭ باسىم بولىگى رەسەي جانە ازەربايجان ازاماتتارى.

قازاقستاننىڭ تجم قىزمەتى اپات ورنىندا 52 ادام مەن 11 تەحنيكانىڭ جۇمىس جاساپ جاتقانىن ايتتى. قۇتقارۋ بولىمشەلەرى ءورتتى دەرەۋ سوندىرگەن.

قازىرگى ۋاقىتتا زارداپ شەككەندەر تۋرالى اقپارات ناقتىلانۋدا، الدىن الا مالىمەت بويىنشا ءتىرى قالعان ادامدار بار.

Abai.kz