2024 жылғы 25 желтоқсанда Ақтау маңында жолаушылар ұшағы құлады. Ұшақ Баку-Грозный бағытында ұшқан.

Ұшақта нақты қанша жолаушы болғаны анықталу үстінде. Алдын ала ақпарат бойынша бортта 62 жолаушы мен 5 экипаж болған. Тағы бір ақпаратта ұшақта 105 жолаушының болғаны айтылады. Жолаушылардың басым бөлігі Ресей және Әзербайжан азаматтары.

Қазақстанның ТЖМ қызметі апат орнында 52 адам мен 11 техниканың жұмыс жасап жатқанын айтты. Құтқару бөлімшелері өртті дереу сөндірген.

Қазіргі уақытта зардап шеккендер туралы ақпарат нақтылануда, алдын ала мәлімет бойынша тірі қалған адамдар бар.

Abai.kz