رەسەي تاراپى ازەربايجاننىڭ ازاماتتىق ۇشاعىنا اۋە شابۋىلىنا قارسى شابۋىل جاساعانى ءۇشىن كەشىرىم سۇراۋى كەرەك. بۇل تۋرالى  ءازىربايجان پارلامەنتىنىڭ دەپۋتاتى راسيم مۇسابەكوۆ ايتتى، دەپ حابارلايدى ادىرنا  پورتالى.

«ۇشاق رەسەي اۋماعىندا، گروزنىي اسپانىندا اتىپ ءتۇسىرىلدى.  ال مۇنى جوققا شىعارۋ مۇمكىن ەمەس»، - دەدى ميلي ءماجىلىس كوميتەتىنىڭ مۇشەسى، ساياساتتانۋشى راسيم مۇسابەكوۆ Turan اگەنتتىگىنە بەرگەن سۇحباتىندا.

ونىڭ ايتۋىنشا، رەسەيدە كەيبىر ادامدار ءىزىن جاسىرۋ ءۇشىن باق ارقىلى بەلگىلى ءبىر ارەكەتتەرگە بارادى.

الايدا ول ونىڭ ورنىنا رەسەيلىك تاراپ جاعدايعا ادەكۆاتتى تۇردە ارەكەت ەتىپ، كەشىرىم سۇراۋى كەرەگىن ايتتى.

«مۇنى جاساعاندار جاۋاپقا تارتىلىپ، قازا بولعاندار مەن زارداپ شەككەندەر ءۇشىن وتەماقى تولەنۋى كەرەك. بۇلاي بولماسا، قارىم-قاتىناس باسقا دەڭگەيگە اۋىساتىنى ءسوزسىز»، - دەدى مۇسابەكوۆ.

ەسكە سالايىق، 25 جەلتوقساندا باكۋ-گروزنىي باعىتى بويىنشا ۇشقان AZAL ۇشاعى اپاتقا ۇشىراعان بولاتىن.

Abai.kz