مەملەكەتتىك كەڭەسشى ءال-فارابي اتىنداعى قازاق ۇلتتىق ۋنيۆەرسيتەتىنىڭ 90 جىلدىعىنا ارنالعان سالتاناتتى جيىنعا قاتىستى.

ەرلان قارين باسقوسۋدا مەملەكەت باسشىسىنىڭ باستاماسىمەن قولعا الىنعان رەفورمالاردىڭ جەمىسى، سونداي-اق ەل تۇتاستىعى مەن حالىق بىرلىگىنىڭ ءمان-ماڭىزى تۋرالى ايتتى.

«بۇگىندە پرەزيدەنتتىڭ ساياسي رەفورمالارىنىڭ ناتيجەسىندە ەلىمىزدە پليۋراليزم، ءسوز ەركىندىگى تولىق ورنىقتى. بىراق دەموكراتيانىڭ ءبىر ولشەمى ەركىندىك بولسا، ەكىنشى ولشەمى – جاۋاپكەرشىلىك. ءتۇرلى ماسەلەلەر جونىندە داۋلاسامىز، ايتىسامىز دەپ ءجۇرىپ ەل ىشىنە ىرىتكى سالىپ، ازاماتتاردى ءبىر-بىرىنە قارسى قويۋدان ساقتانىپ، جول بەرمەۋىمىز قاجەت. ەسكى جانە جاڭا دەپ، نەمەسە بيلىك پەن قوعام دەپ بولىنبەي، ءاردايىم ورتاق مۇددە تۇرعىسىنان پايىمداپ، بىرگە بولۋىمىز قاجەت. ءبارىمىز دە ءبىر ەلدىڭ ازاماتتارىمىز، ءبولىپ جاراتىن ەشتەڭە جوق. قازاقستان تەك بىزگە عانا كەرەك»، – دەدى مەملەكەتتىك كەڭەسشى.

Abai.kz