كوپشىلىك كورەرمەنگە تانىمال وقۋشىلار اراسىنداعى «XXI عاسىر كوشباسشىسى» ينتەللەكتۋالدىق ويىنى تەلەەكراندارعا جاڭا فورماتتا قايتا ورالادى. «حابار» اگەنتتىگى مەن رەسپۋبليكالىق عىلىمي-تاجىريبەلىك «دارىن» ورتالىعى بىرلەسىپ، مەگاجوبانى قايتا جاڭعىرتۋعا كىرىستى. جوبا كوكتەمنەن باستاپ «حابار» ەفيرىندە كورسەتىلەدى.

ينتەللەكتۋالدىق تەلەجوبا قازاقستان رەسپۋبليكاسىنىڭ مادەنيەت جانە اقپارات مينيسترلىگى، وقۋ-اعارتۋ مينيسترلىگى، عىلىم جانە جوعارى ءبىلىم مينيسترلىگى، سونداي-اق قازاقستان پارلامەنتىنىڭ ءماجىلىسى تاراپىنان قولداۋ تاپتى.

اتالمىش جوبا ەلىمىزدىڭ بولاشاق كوشباسشىلارىن تاربيەلەۋگە باعىتتالعان جاستار قوزعالىسى. قازىردىڭ وزىندە جۇزدەگەن دارىندى وقۋشى شاقىرۋدى قابىلداپ، قىزىقتى ينتەللەكتۋالدىق ويىننىڭ قاتىسۋشىلارىنا اينالدى. ءار وبلىستاعى ىرىكتەۋ كەزەڭدەرى 2024 جىلدىڭ قازان ايىندا باستالىپ 2025 جىلدىڭ اقپان ايىنا دەيىن جالعاسادى. وڭىرلەردەن ىرىكتەلگەن ەڭ ۇزدىك بەس وقۋشى رەسپۋبليكالىق كەزەڭگە قاتىسۋعا مۇمكىندىك الادى، ول وسى جىلدىڭ ناۋرىزىنان باستاپ ماۋسىم ايىنا دەيىن وتەدى.

جاس دارىنداردىڭ بىلىمدەرى مەن قابىلەتتەرىن جالپى بۇقاراعا كورسەتۋگە مۇمكىندىك بەرەتىن تەلەۆيزيالىق جوبا «حابار» اگەنتتىگىنىڭ 30 جىلدىعىنا وراي وتكىزىلىپ وتىر. ەڭ ۇزدىك ءۇش جەڭىمپازعا ەلىمىزدىڭ جوعارى وقۋ ورىندارىندا وقۋعا گرانتتار تابىستالادى.

قازىردىڭ وزىندە پاۆلودار، قاراعاندى، اباي، اقمولا، تۇركىستان، جامبىل، باتىس قازاقستان، شىعىس قازاقستان، ۇلىتاۋ، قىزىلوردا، اتىراۋ جانە ماڭعىستاۋ وبلىستارىنان، سونداي-اق استانا جانە شىمكەنت قالالارىنان رەسپۋبليكالىق تۋرعا قاتىساتىن ۇزدىك بەستىكتەر انىقتالدى. الماتى، اقتوبە، جەتىسۋ، سولتۇستىك قازاقستان، قوستاناي وبلىستارىندا جانە الماتى قالاسىندا ىرىكتەۋ كەزەڭدەرى قاڭتار-اقپان  ايلارىندا وتەدى.

«XXI عاسىر كوشباسشىسى» — جاس دارىندارعا جاڭا مۇمكىندىكتەر بەرەتىن بىرەگەي الاڭ. ينتەللەكتۋالدىق ويىن ءبىلىمدى ءارى تالانتتى جاستاردى قوعامعا تانىستىرىپ قانا قويماي، شالعاي ەلدى مەكەندەردەن شىققان دارىندى جاسوسپىرىمدەر ءۇشىن ۇلكەن الەۋمەتتىك ليفت بولاتىنىنا سەنىم بار.

تەلەجوبا العاش رەت 25 جىل بۇرىن ۇسىنىلعان. وسى ۋاقىت ىشىندە ول وتاندىق تەلەۆيزياداعى ۇزدىك جوبالاردىڭ ءبىرى رەتىندە تانىلدى. بۇگىندە وسى جوباعا قاتىسقان كوپتەگەن جاستار ءوز جولدارىن تاۋىپ، ءار ءتۇرلى سالالاردا كاسىبي ماماندار رەتىندە تانىلدى: ونەر مەن مادەنيەتتەن باستاپ قوعامدىق قىزمەت پەن بيزنەسكە دەيىن.

قوسىمشا اقپارات ءۇشىن مىنا مەكەن-جايعا حابارلاسىڭىز

pr@khabar.kz ، +7 (7172) 757 547, +7 705 310 86 83

www.khabar.kz| Facebook / Khabartv | Telegram/ Khabartv_kz |  Instagram/ Khabartv

Abai.kz