كەشە قازاقستان ۇلتتىق بانكى جىلدىق 15,25% بازالىق مولشەرلەمەنى وزگەرتپەي ساقتاۋ تۋرالى شەشىم قابىلدادى. «بۇل ينفلياتسيالىق قىسىمدى باقىلاۋدا ۇستاۋ ءۇشىن قاجەت»، - دەپ تۇسىندىرگەن ەدى بۇل شەشىمدى.

وسىعان بايلانىستى قر پارلامەنتى ءماجىلىسىنىڭ دەپۋتاتى، «اق جول» دەمپارتياسىنىڭ توراعاسى ازات پەرۋاشەۆ: «بۇل شەشىم ەمەس، بۇل - قورىققاننان باسىن قۇمعا تىعۋ!»، - دەپ سىني پىكىرىن ءبىلدىردى.

ازات پەرۋاشەۆ:

– ينفلياتسياعا تەڭگەنىڭ كوپتىگى ەمەس، وتاندىق تاۋار ءوندىرىسىنىڭ جەتىسپەۋشىلىگى قىسىم جاسايتىنى، ونىڭ تابيعي سالدارى ىشكى نارىقتىڭ يمپورتقا تاۋەلدىلىگى ەكەنى بارشاعا بۇرىننان بەلگىلى. ال دوللاردىڭ نىعايۋى، دالىرەك ايتساق، ساۋدا شەكتەۋلەرىنىڭ اۋىرتپالىعىنان قازاقستان دا زارداپ شەگەتىن رەسەي ءرۋبلى باعامىنىڭ تومەندەۋى ء(رۋبلدىڭ تەڭگەگە ايىرباستالۋىنا جانە رەسپۋبليكادا دوللاردى ساتىپ الۋعا بايلانىستى) اسەر ەتىپ وتىر.  سالدارىنان ينفلياتسيا تەڭگەنى ودان ءارى قۇنسىزداندىرىپ، قىسىمعا ۇشىراپ جاتىر. بۇل سانكتسيالار سالدارىنان قۇلدىراعان ءرۋبلدىڭ ەكونوميكامىزدى دا قۇلدىراتىپ، جەرگە تىققانىنشا جالعاسادى!

ىقتيمال شەشىمدەر: رۋبل/تەڭگە ايىرباستاۋدان باس تارتۋ (بىراق بۇل ەكونوميكالىق جانە ساياسي سەبەپتەر بويىنشا مۇمكىن ەمەس); نەمەسە – ىشكى نارىقتى وتاندىق تاۋارلارمەن تولتىرا وتىرىپ، ءوز ءوندىرىسىن ىنتالاندىرۋ.

بۇل جىلدام جۇمىس ەمەس، سونىمەن قاتار، مۇنداي بازالىق مولشەرلەمەمەن بيزنەس نەسيەلەرى ءالى دە شامامەن 20%-دا تۇرادى. ال مۇنداي پايىزبەن ءوندىرىستى دامىتۋ مۇمكىن ەمەس.

«دامۋ» قورىنىڭ سۋبسيديالارى (نەسيەلەر قۇنىنىڭ ايىرماشىلىعىن 7-9%-عا دەيىن جابادى) جاعدايدى ساقتاي المايدى، ويتكەنى ولار شارۋاشىلىق جۇرگىزۋشى سۋبەكتىلەردىڭ 1%-ىنا عانا بارادى جانە ءىس جۇزىندە ەكونوميكانىڭ قۇرىلىمىنا اسەر ەتپەيدى. بۇل جاعدايدا ۇلتتىق بانكتىڭ بازالىق مولشەرلەمەسىن كۇرت جانە باتىل تومەندەتۋ الدەقايدا ءتيىمدى بولار ەدى. بىراق ۇلتتىق بانك ەكونوميكانى ويلاماي، مۇلدە شەشىم قابىلداماۋدىڭ سەبەبىن ىزدەۋدە.

Abai.kz