دەپۋتات اسحات ايماعامبەتوۆ قازاقستاننىڭ جاڭا سالىق كودەكسىنە قاتىستى بىرقاتار ماڭىزدى ۇسىنىستارىن تانىستىردى. بۇل وزگەرىستەر ەلىمىزدىڭ ەكونوميكالىق تۇراقتىلىعىن ارتتىرۋعا جانە حالىقتىڭ الەۋمەتتىك جاعدايىن جاقسارتۋعا باعىتتالعان.

نەگىزگى ۇسىنىستارعا توقتالايىق:

1. قۇمار ويىندارعا سالىقتى ارتتىرۋ قۇمار ويىن بيزنەسى، سونىڭ ىشىندە بۋكمەكەرلىك كەڭسەلەر، سالىقتى ەكى ەسە كوپ تولەۋى مۇمكىن. ستاۆكانى 10%-دان 20%-عا دەيىن كوتەرۋ ۇسىنىلدى. بۇل قازىناعا قوسىمشا جۇزدەگەن ميلليارد تەڭگە ءتۇسىرۋى ىقتيمال. «بيۋدجەتكە تۇسەتىن پايدا ەسەلەپ ارتادى»، – دەيدى ايماعامبەتوۆ.

2. بانكتەرگە كورپوراتيۆتىك سالىقتى كوبەيتۋ بانكتەردىڭ جوعارى تابىستىلىعىن ەسكەرە وتىرىپ، كورپوراتيۆتىك تابىس سالىعىن 25%-دان 30%-عا دەيىن ارتتىرۋ ۇسىنىلدى. «ديۆيدەندتەردىڭ بىرنەشە ەسە وسكەنىن ەسكەرسەك، بۇل ادىلەتتى قادام»، – دەپ اتاپ ءوتتى دەپۋتات.

3. الكوگول مەن ترانسمايلارعا اكتسيزدى ارتتىرۋ زياندى ونىمدەردى قىسقارتۋ ماقساتىندا الكوگول مەن ترانسمايلارعا سالىقتى كوبەيتۋ ۇسىنىلدى. «ترانسمايلار – ارزان، بىراق وتە زياندى. بۇل شەشىم وندىرۋشىلەردى تابيعي مايلاردى قولدانۋعا ىنتالاندىرادى»، – دەيدى دەپۋتاتتار.

4. ءدارى-دارمەك پەن مەديتسيناعا ندس ەنگىزىلمەيدى ايماعامبەتوۆ ءدارى-دارمەكتەر مەن مەديتسينالىق قىزمەتتەرگە ندس ەنگىزۋدى دۇرىس ەمەس دەپ سانايدى. «بۇل حالىققا اۋىر تيەدى. اسىرەسە بالالار، زەينەتكەرلەر جانە ەرەكشە قاجەتتىلىگى بار ادامدار ءۇشىن»، – دەيدى ول.

5. بانكتىك وپەراتسيالارعا ندس بولمايدى دەپۋتات بانكتىك اۋدارىمدارعا ندس ەنگىزۋدى «نونسەنس» دەپ اتاپ، بۇدان باس تارتۋدى ۇسىندى. «تولەم جۇيەلەرىنىڭ قۇنى ونسىز دا قىمباتتاپ جاتىر. قوسىمشا سالىق حالىققا كەرى اسەرىن تيگىزەدى»، – دەدى ول.

6. ەنداۋمەنت-قورلارعا قولداۋ كورسەتۋ قايىرىمدىلىقتى دامىتۋ ماقساتىندا ەنداۋمەنت-قورلارعا بولىنگەن قاراجاتتى سالىقتان بوساتۋ ۇسىنىلدى.

7. B2B-سەكتورعا جەڭىلدىك كاسىپكەرلەر ءۇشىن ارنايى سالىق رەجيمىن جەڭىلدەتۋ ۇسىنىلدى. B2B-سەكتورعا سالىق مولشەرىن 12%-دان 8%-عا دەيىن تومەندەتۋ قاراستىرىلۋدا.

8. مەملەكەتتىك شىعىنداردى وڭتايلاندىرۋ دەپۋتات سالىقتى ارتتىرۋمەن بىرگە مەملەكەتتىك شىعىنداردىڭ دا قۇرىلىمىن قايتا قاراۋ كەرەكتىگىن باسا ايتتى: «اكىمشىلىك عيماراتتار، ۇلكەن ستاديوندار مەن يميدجدىك ءىس-شارالارعا جۇمسالاتىن شىعىنداردى قىسقارتپايىنشا، سالىق ساياساتى ءوز تيىمدىلىگىن بەرمەيدى».

دەرەككوزى: مىڭ تەڭگە تەلەگرام ارناسى

Abai.kz