اقتاۋ قالالىق سوتى قازاقستان ازاماتىن قىلمىستىق توپ قۇرعانى جانە وعان باسشىلىق جاساعانى ءۇشىن 10 جىلعا باس بوستاندىعىنان ايىرۋعا ۇكىم ەتتى. بۇل تۋرالى قر باس پروكۋراتۋراسى حابارلادى. 

2016-2018 جىلدار ارالىعىندا ادامدار توبى قۇرىلىس ماتەريالدارىن جەتكىزەمىز دەگەن جەلەۋمەن يراننان قازاقستانعا كەدەن شەكاراسى ارقىلى قۇنى 1 ملرد تەڭگەدەن اساتىن تەمەكى مەن تاباك تاسىمالداعان.

قىلمىستىق توپتىڭ ۇيىمداستىرۋشىسى حالىقارالىق ىزدەۋدە بولىپ، ءازىربايجان رەسپۋبليكاسىنان ەكستراديتسيالاندى. توپتىڭ قالعان مۇشەلەرى بۇعان دەيىن ءارتۇرلى جازالار ءۇشىن جاۋاپقا تارتىلعان بولاتىن.

سوت ۇكىمى زاڭدى كۇشىنە ەنگەن جوق.

Abai.kz