«ءىم تمد ەلدەرىنىڭ قۇقىق قورعاۋ ورگاندارىمەن ءوزارا ءىس قيمىل جاساي وتىرىپ، ىزدەۋدە جۇرگەن قىلمىسكەرلەردىڭ ورنالاسقان جەرىن انىقتاۋ جانە ولاردى ۇستاۋ جونىندەگى جۇمىستى جالعاستىرۋدا», - دەپ حابارلايدى Polisia.kz سايتى.

جىل باسىنان بەرى قازاقستاننان تىس جەرلەردە جاسىرىنىپ جۇرگەن 11 قىلمىسكەر انىقتالىپ، ال ەل اۋماعىندا باسقا ەلدەردىڭ ىزدەۋدەگى 44 قىلمىسكەر ازاماتى ۇستالعان.

ماسكەۋ قالاسىندا 28 جاستاعى قازاقستاندىق ازامات ۇستالدى. ول وتكەن جىلى الماتىدا جەرگىلىكتى تۇرعىنداردان ساتامىن دەگەن سىلتاۋمەن قىمبات سمارتفونداردى الىپ، كەيىن ءىزىن سۋىتقان.وسىلايشا ول 7 ادامدى الداعان. شىعىن 32 ملن تەڭگەدەن استى.

رەسەي فەدەراتسياسىنىڭ ليۋبەرتسى قالاسىندا شىمكەنتتىڭ پوليتسيا دەپارتامەنتىنىڭ قىزمەتكەرلەرى شەتەلدىك ارىپتەستەرىمەن بىرلەسىپ، 36 جاستاعى وزبەكستان ازاماتىن ۇستادى. كۇدىكتى ايەل 2014-جىلى شىمكەنتتىك تۇرعىنعا تيەسىلى جەر ۋچاسكەسىن الداپ ساتىپ جىبەرگەن.جابىرلەنۋشىگە كەلتىرىلگەن زالال سوماسى 14 مىڭ دوللاردى قۇرادى.

Abai.kz