دەنساۋلىق ساقتاۋ ءمينيسترى اقمارال ءالنازاروۆا ترانسفۋزيولوگيا عىلىمي-وندىرىستىك ورتالىعىنا بارىپ، سۇيەك كەمىگى دونورلارىنىڭ ۇلتتىق رەەسترىنە تىركەلۋ ءۇشىن دوناتسيا راسىمىنەن وتكەنىن ايتتى.

بۇل تۋرالى دەنساۋلىق ساقتاۋ ءمينيسترى ءوزىنىڭ الەۋمەتتىك جەلىدەگى پاراقشاسىندا ءبولىستى. ءمينيستردىڭ ايتۋىنشا، ەلىمىزدە ورتا ەسەپتە 8 000-نان استام قان وبىرىمەن اۋىراتىن پاتسيەنت بار.

– ولاردىڭ كوپشىلىگى ءۇشىن قالپىنا كەلتىرۋدىڭ جالعىز ءۇمىتى – سۇيەك كەمىگىن ترانسپلانتاتتاۋ. الايدا تۋىس ەمەس دونورلار مەن رەتسيپيەنتتەردىڭ اراسىنداعى ۇيلەسىمدىلىك ىقتيمالدىعى 10 000 جاعدايعا شاققاندا 1-ءدى قۇرايدى. بۇل دونورلار ءتىزىمىن كەڭەيتۋ قاجەتتىلىگىن ودان دا وزەكتى ەتەدى، – دەيدى اقمارال ءالنازاروۆا.

مينيستر بۇگىندە گەموپوەزدىك ءدىڭ جاسۋشالارى دونورلارىنىڭ ۇلتتىق رەەسترىندە (گدج) 12 742 الەۋەتتى دونور بار ەكەنىن مالىمدەدى.

دەرەككوزى: qaz365.kz

Abai.kz