ەو ءپۋتيندى ونىڭ قىلمىستارى ءۇشىن سوتتاۋ ءۇشىن ارنايى تريبۋنال جوباسىن ماقۇلدادى.

قۇجاتقا وسى كوكتەمدە قول قويىلاتىن بولادى. جاڭا قۇرىلىم حالىقارالىق قىلمىستىق سوتتان مۇلدەم تاۋەلسىز بولادى.

- رەسەي بۇۇ جارعىسىن بۇزىپ، ۋكراينا شەكاراسى ارقىلى تانكىلەرمەن باسا كوكتەپ وتۋگە شەشىم قابىلداعاندا، ول ەڭ اۋىر قۇقىق بۇزۋشىلىقتاردىڭ ءبىرى بولىپ سانالاتىن اگرەسسيالىق قىلمىستى جاسادى. ەندى ونىڭ ۋكرايناداعى جاساعان قىلمىسى ءۇشىن كىنالىنى جازالايتىن قارا قىلدى قاق جاراتىن سوت تورەلىگى جاسالادى، - دەدى ەۋروكوميسسيا باسشىسى ۋرسۋلا فون دەر ليايەن.

2023 جىلى 17 ناۋرىزدا گااگاداعى حالىقارالىق قىلمىستىق سوت (حقس) ونىڭ پروكۋرورى كارىم حاننىڭ سۇراۋى بويىنشا رف پرەزيدەنتى ۆلاديمير ءپۋتيندى قاماۋعا الۋعا وردەر بەردى.

رەسەيدىڭ قازىرگى پرەزيدەنتىنە قاتىستى اسكەري قىلمىس - رەسەيدىڭ ۋكرايناعا باسىپ كىرۋى بارىسىندا ۋكراينانىڭ وككۋپاتسيالانعان اۋماعىنان بالالاردى رەسەيگە زاڭسىز دەپورتاتسيالاۋ جونىندەگى ايىپتار تاعىلدى.

وعان دەيىن حقس سۋدان پرەزيدەنتى ومار ءال-باشير مەن ليۆيا بيلەۋشىسى مۋاممار كاددافيگە ايىپ تاعىپ كەلگەن ەدى.

پۋتينمەن بىرگە رەسەي فەدەراتسياسىنىڭ پرەزيدەنتى جانىنداعى بالا قۇقىقتارى جونىندەگى ۋاكىل ماريا لۆوۆا-بەلوۆاعا دا قاماۋعا الۋعا وردەر بەرىلدى.

Reuters حابارلاعانداي، وردەر بەرىلگەننەن كەيىن پۋتين مەن لۆوۆا-بەلوۆا تۇتقىندالىپ، ريم ستاتۋتىن راتيفيكاتسيالاعان 123 ەلدىڭ كەز كەلگەنى ەكەۋىن حقس-قا تاپسىرا الادى.

Abai.kz