قىتايدىڭ حاربين قالاسىندا ءوتىپ جاتقان قىسقى ازيا ويىندارىندا ەل قورجىنىنا 1 التىن，5 كۇمىس，3 قولا مەدال ءتۇستى.

شاڭعىمەن ەركىن ستيلدەگى 10 شاقىرىمدىق جارىستا ولجاس كليمين ءۇشىنشى بولىپ، قولا جۇلدەگە قول جەتكىزدى.

ال التىن مەن كۇمىستى جاپونيالىقتار حارۋكي ياماسيتا مەن تاكاتسۋگۋ ۋدا ءبولىستى.

ەرلەر مەن ايەلدەر اراسىندا 500 جانە 1 500 مەتردەگى فينالدىق باسەكەلەر ءوتتى. وكىنىشكە قاراي، وتانداستارىمىز فينالعا دەيىن جەتە المادى.

بۇدان بولەك كونكيمەن جۇگىرۋ سپورتىنان دا ەل قۇراماسىنا ءبىر مەدال ءتۇستى. 100 مەتر قاشىقتىقتا ەۆگەني كوشكين كۇمىس مەدال يەلەندى.

حوككەيدەن ەرلەر قۇراماسى تاعى دا وزدەرىنىڭ مىقتى ەكەنىن دالەلدەدى. جىگىتتەر بىتىسپەس قارسىلاستارى جاپونيا قۇراماسىن 4:1 ەسەبىمەن جەڭدى. ءبىرىنشى تايمدى بەلسەندى باستاعان جاپوندىقتار، كەيىنگى پارتيالاردا ۇلتتىق قۇرامانىڭ قاقپاسىنان ساڭىلاۋ تابا المادى. ەندى جىگىتتەر دۇيسەنبىدە وڭتۇستىك كورەياعا قارسى ماتچ وتكىزەدى. بۇل توپتىق كەزەڭدەگى سوڭعى ويىن.

ايتا كەتەيىك، قازاقستان قۇراماسىنان 137 سپورتشى حاربيندەگى قىسقى ازياداعا قاتىسىپ جاتىر. ءبىزدىڭ جەرلەستەرىمىز 6 سپورت تۇرىنەن 10 ديستسيپلينادا ونەر كورسەتىپ، 51 مەدال جيىنتىعىن ساراپقا سالاتىن بولادى.

Abai.kz