كەشە عانا كاسپي قۇبىر كونسورتسيۋمىن (كتك) ۋكرايندىق قارۋلى دروندار اشىق شابۋىلدادى. بۇل بومبالاۋدى ۋكرايندىق قارۋلى كۇشتەرى راستادى. دەگەنمەن، اتقىلاۋدىڭ سەبەبى بويىنشا ۋكرايندىق قارۋلى كۇشتەرىنىڭ پوزيتسياسى انىق ەمەس.

«نە ءۇشىن، نەگە؟» – دەگەن سۇراقتارعا ناقتى ساياسي جاۋاپ الۋىمىز كەرەك. ويتكەنى، بۇل ستراتەگيالىق كاسپي قۇبىرى بويىنشا تەك قانا قازاقستاندىق مۇناي تاسىمالداناتىنى بارلىعىنا ءمالىم. ياعني، بۇل قارۋلى شابۋىلدى ءىرى حالىقارالىق جوباعا جاسالعان قيانات دەپ باعالاۋعا بولادى.
ودان قالسا، ءبىزدىڭ ەلىمىزدەگى وندىرىلەتىن مۇناي دا اقش، ەۋروپا مەملەكەتتەرىمەن ورتاقتاسقان ءىرى ترانسۇلتتىق كومپانيالاردىڭ ۇلەسى بار ەكەنى انىق.

ەڭ باستىسى اقش، ەۋروپا مەن قازاقستان ءاردايىم وسى سوعىستىڭ بەيبىت اياقتالۋى ءۇشىن ءوزىنىڭ تىكەلەي ساياسي كوزقاراسىن ءبىلدىرىپ ءجۇر. ناقتىلاساق، قازاقستان بۇل ارنايى اسكەري وپەراتسيانى باسىنان باستاپ قولداماعان جانە پوزيتسياسىن اشىق جاريالادى.
رەسەيدى سوعىستى توقتاتۋعا دا شاقىرعان ءبىز ەدىك. بارلىق تاراپتارعا ارنايى الاڭ بەرۋگە دايىن ەكەنىمىزدى اشىق جاريالاپ، شيەلەنىستىڭ بەيبىت تۇردە شەشىلۋىن جانە وعان بۇۇ-نىڭ ارالاسۋىن دا ۇسىندىق.

سوندىقتان، تەز ارادا اتالعان شابۋىلعا ۋكراين جاعى بارلىق حالىقارالىق شارتتارعا سايكەس ساياسي جاۋاپ بەرۋى ءتيىس دەپ ويلايمىن. بۇل ماسەلەنى سىرتقى ىستەر مينيسترلىگى ءوز باقىلاۋىنا الۋى ءتيىس.

سامات نۇرتازا، ءماجىلىس دەپۋتاتى

Abai.kz