مەملەكەت باسشىسى بىلتىرعى جولداۋىندا قۇقىق قورعاۋ ورگاندارىنا ازاماتتاردىڭ جان-جاقتى قاۋىپسىزدىگىن قامتاماسىز ەتۋدى تاپسىردى.

پرەزيدەنتتىڭ تاپسىرمالارىن ورىنداۋ ءۇشىن، سونداي-اق «زاڭ جانە ءتارتىپ» قاعيداتىن قامتاماسىز ەتۋ ماقساتىندا پروكۋراتۋرا ورگاندارى قىلمىسقا قارسى كۇرەستە جاساندى ينتەللەكت (جي) جانە تسيفرلىق شەشىمدەردى قولدانۋعا نەگىزدەلگەن بىرقاتار ءتيىمدى جوبالاردى ىسكە اسىرۋدا.

ماسەلەن، استانا قالاسىنىڭ پروكۋراتۋراسى ەسىرتكى قىلمىسىنا قارسى كۇرەستىڭ بىرنەشە يننوۆاتسيالىق ادىستەرىن ازىرلەپ، ونى قولدانىسقا ەنگىزدى.

اعىندى سۋلاردان ەسىرتكىنى انىقتاۋ. كارىز اعىنىنان الىنعان سىنامالاردى تالداۋ ەلوردانىڭ ونەركاسىپتىك ايماعىندا ەسىرتكى وندىرەتىن جاسىرىن زەرتحانانى انىقتاۋعا مۇمكىندىك بەردى. ءتىنتۋ ناتيجەسىندە 27 كگ-نان استام «مەفەدرون» پسيحواكتيۆتى زاتى جانە ءبىر توننا ءتۇرلى پرەكۋرسورلار تاركىلەنگەن.

اۋا اعىندارى بويىنشا ەسىرتكى زەرتحانالارىن انىقتاۋ. GCMS-TQ8040 NX ماسس-سپەكترومەترى بار گاز حروماتوگرافىنىڭ كومەگىمەن بۇرىن ەسىرتكى زەرتحانالارى ورنالاسقان ءۇي-جايلاردا اۋا بولشەكتەرىن ولشەۋ جۇرگىزىلدى. اۋاعا جۇرگىزىلگەن تالداۋ وندا ەسىرتكى وندىرىسىندە قولدانىلاتىن حيميالىق زاتتاردىڭ بولۋىن انىقتادى.

پروكۋراتۋرا قازىرگى زامانعى تەحنولوگيالاردى قولدانا وتىرىپ، الاياقتىققا جانە كيبەرقىلمىسقا قارسى بەلسەندى كۇرەس جۇرگىزۋدە.

«WhatsApp» قوسىمشاسىندا تەلەفون ءنومىرىنىڭ الاياققا تيەسىلىگىن تەكسەرۋگە مۇمكىندىك بەرەتىن ارنايى «الاياقتىققا قارسى» بوتى ازىرلەندى. بوت ەكى دەرەكتەر بازاسىمەن جۇمىس ىستەيدى: «NumBuster» جانە سدتبت دەرەكتەر بازاسى.

الماتى قالاسىنىڭ پروكۋراتۋراسى، «قازاقتەلەكوم» اق، «كسەلل» ۇيالى بايلانىس وپەراتورى جانە «كيبەرپول» پوليتسيا بولىمشەسى اراسىندا SIP-قوڭىراۋلاردى بۇعاتتاۋ جانە «SIM-بوكس» ماشينالارىن انىقتاۋ ءۇشىن مەموراندۋم جاسالعان.

«WhatsApp» قوسىمشاسىندا چات قۇرىلعان، وعان كەزەكشى پروكۋرورلار مەن «قازاقتەلەكوم» اق-نىڭ قىزمەتكەرلەرى ەنگەن. «انتيفرود» جۇيەسىنىڭ كومەگىمەن ينتەرنەت-الاياقتاردىڭ 600 مىڭنان استام قوڭىراۋى بۇعاتتالعان، 5 مەكەنجاي انىقتالىپ، 10 «SIM-بوكس» - ماشينا جانە 1200-دەن استام SIM-كارتا تاركىلەنگەن.

پروكۋراتۋرا قۇقىق بۇزۋشىلىقتىڭ پروفيلاكتيكاسىنا جانە جاستارمەن جۇمىس ىستەۋگە كوپ كوڭىل بولۋدە.

الماتى قالاسىندا جاستارمەن جۇمىس ىستەۋگە اسا نازار اۋدارا وتىرىپ، مەملەكەت پەن قوعام اراسىنداعى ءوزارا ءىس-قيمىلدى جاقسارتۋعا باعىتتالعان «جاستارمەن» جوباسى ىسكە اسىرىلۋدا. ستۋدەنتتەر پوليتسيا قىزمەتكەرلەرىمەن بىرلەسىپ، رەيدتىك ءىس-شارالار جۇرگىزەدى، قۇقىق بۇزۋشىلىقتاردى انىقتايدى جانە ولاردى پوليتسياعا شارا قولدانۋ ءۇشىن جىبەرەدى.

شىمكەنت قالاسىندا «زاڭ ۇيىرمەسى» جوباسى باستالعان. ونىڭ باستى مىندەتى جاسوسپىرىمدەر اراسىنداعى قىلمىستى ازايتۋ بولىپ تابىلادى. دەۆيانتتى مىنەز-قۇلقى بار جاسوسپىرىمدەرگە ساباقتان تىس ءىس-شارالار ۇيىمداستىرىلعان، كامەلەتكە تولماعاندارعا پسيحولوگيالىق قولداۋ كورسەتىلۋدە.

Abai.kz