اقىرزاماننىڭ العاشقى كۇنى

وتكەن تۇندە امەريكا حالقى ءوزىنىڭ 47-ءشى، جاڭا پرەزيدەنتىن تاڭدادى. Əلەمدەگى ەڭ əلۋەتتى مەملەكەت ءوزىنىڭ 248 جىلدىق ۇلان-عايىر تəۋەلسىزدىك زامانىندا العاش رەت دەموكراتيالىق دامۋ جولىنان باس تارتىپ، اۆتوريتارلىق، توتاليتارلىق جاڭا قۇرىلىمدى ماقۇل كوردى.

قۇراما شتاتتارىنىڭ وزىندە جəنە دەموكراتيالىق باعدارداعى ءبىرتالاي ەلدە بۇل جاعدايات مۇلدە تۇسىنىكسىز قۇبىلىس رەتىندە باعالانۋى ءوز الدىنا، ءتىپتى فاشيزمگە بەيىم دەگەن پىكىرلەر دە ايتىلدى. شىنىندا دا، ەكى جارىم ايدان سوڭ كۇشىنە ەنۋى ءتيىس پرەزيدەنت ترامپتىڭ بۇگىن نە ويلاعانىن، ەرتەڭ نە جاسايتىنىن، بۇرسىگۇنى مۇلدە باسقا ءبىر باعدار ۇستاناتىنىن بولجاپ ءبىلۋ مۇمكىن ەمەس. جəنە اقىل-پاراساتتى ءىس-əرەكەت، قيسىندى ساياسات اتاۋلىنى تəرىك ەتىپ، ويىنا كەلگەنىن جاساۋ مۇمكىندىگىن ەشكىم دە تەرىسكە شىعارا الماسا كەرەك.

ۋكرايناعا əسكەري كومەكتى شەكتەپ، زورلىقپەن ءتيىمسىز بىتىمگە كەلتىرۋى، ەۆروپاداعى ناتو كۇشتەرىن əلسىرەتۋى، ورتالىق ازياداعى رەسەي ىقپالىن بەتىمەن جىبەرۋى جəنە ىقتيمال. جاحاندىق سوعىس ەلەسى تاعى بار. دəپ قازىر بۇتكىل əلەم بەلگىسىز داعدارىس الدىندا تۇر.

ۋكراينا جەڭىلىسكە ۇشىراپ، رەسەي ءوزىنىڭ نەگىزگى ماقساتىنا جەتكەن جاعدايدا قازاقستان ءتىپتى ۇلكەن قيىندىققا تۇسپەك. ەۆروپانىڭ ۇلكەن مەملەكەتتەرى كۇردەلى كەزەڭگە تاپ كەلسە، قازاقستان احۋالى ءتىپتى قيىنداي بەرمەك. مۇنداي بۇكىلəلەمدىك داعدارىسقا əلەمدىك ۇلكەن مەملەكەتتەردىڭ شەشىمتال قيمىلى عانا يگى ىقپال جاساۋى مۇمكىن.

بۇگىن باستالۋعا ىقتيمال اقىرزامان مəڭگىلىك ەمەس، ارى كەتسە كەلەسى پرەزيدەنت سايلاۋىنا دەيىن عانا. سوندىقتان، جاقسى كۇندەردەن ءۇمىت ۇزبەيىك. ەڭ باستىسى – ءوزىمىزدىڭ قازاق ەلىنىڭ، باسشىلارى ەمەس، قارا ورمان جۇرتىنىڭ ۇلتتىق ساناسى، ىنتىماعى مەن تۇتاستىعى بەرىك ساقتالىپ تۇرۋى. سوۆەتتىك 70 جىلدىق گەنوتسيدتەن əۋپىرىمدەپ وتكەن قازاق بۇل الماعايىپ كەزەڭدى دە امان-ەسەن اتقارىپ شىعار دەپ سەنەمىن.

مۇحتار ماعاۋين

6.ءحىى.2024, اقش.

Abai.kz