قىرعىزستاندا جەر سىلكىندى...
قر تجم سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعى 3 ناۋرىز كۇنى استانا ۋاقىتىمەن ساعات 11:05-تە جەر سىلكىنىسىن تىركەدى.
ءزىلزالا وشاعى الماتى قالاسىنان وڭتۇستىك-باتىسقا قاراي 122 شاقىرىم جەردە، قىرعىزستان اۋماعىندا ورنالاسقان.
جەر سىلكىنىسىنىڭ كوورديناتتارى: 42.155º س.ە. 76.487º ش.ب. تەرەڭدىگى – 15 شاقىرىم. ەنەرگەتيكالىق كلاسى – 9.99. ماگنيتۋداسى – 4.3.
سەيسمولوگتاردىڭ مالىمەتىنشە، قازاقستان رەسپۋبليكاسىنىڭ اۋماعىندا سەزىلۋ بايقالماعان.
ەسكە سالا كەتەيىك، بيىل الماتىدا 30 سەيسميكالىق ستانتسيا ورناتىلاتىنىن جازعان بولاتىنبىز.
Abai.kz
