ءال-فارابي اتىنداعى قازاق ۇلتتىق ۋنيۆەرسيتەتى مەن قازاقستان رەسپۋبليكاسىنىڭ ۇلتتىق ينجەنەرلىك اكادەمياسى ءوزارا ىنتىماقتاستىق تۋرالى كەلىسىم جاساستى.

ماقسات – وقۋ ورداسى مەن اكادەميا اراسىنداعى ارىپتەستىك بايلانىستى تەرەڭدەتۋ.

سۋرەت: adyrna.kz سايتىنان الىندى.

اتالعان كەلىسىمگە ءال-فارابي اتىنداعى قازۇۋ-دىڭ باسقارما توراعاسى – رەكتور جانسەيىت تۇيمەباەۆ پەن قر ۇلتتىق ينجەنەرلىك اكادەمياسىنىڭ پرەزيدەنتى باقىتجان جۇماعۇلوۆ قول قويدى.

سۋرەت: adyrna.kz سايتىنان الىندى.

بولاشاقتا قوس تاراپ مەموراندۋم اياسىندا ورتاق عىلىمي جوبالاردى جۇزەگە اسىرىپ قانا قويماي، بىرلەسكەن حالىقارالىق كونفەرەنتسيالار، سيمپوزيۋمدار مەن كەزدەسۋلەردى ۇيىمداستىرادى. سونداي-اق اكادەميا عالىمدارى قازۇۋ دوكتورانتتارىنىڭ عىلىمي جۇمىستارىنا جەتەكشىلىك ەتەدى.

«ۇلتتىق ينجەنەرلىك اكادەمياسىندا 200-دەن استام تەحنيكا عىلىمدارىنىڭ دوكتورلارى بار. الداعى ۋاقىتتا اكادەميا مۇشەلەرى وقۋ ورداسىنىڭ عالىمدارىمەن تىعىز بايلانىستا بولىپ، عىلىمي جوبالاردى نارىققا شىعارۋعا جاردەمدەسەتىن بولادى»، – دەدى اكادەميا پرەزيدەنتى باقىتجان جۇماعۇلوۆ.

سۋرەت: adyrna.kz سايتىنان الىندى.

قازۇۋ-عا ساپارى بارىسىندا ۇلتتىق ينجەنەرلىك اكادەمياسىنىڭ پرەزيدەنتى باستاعان دەلەگاتسيا وقۋ ورداسىنىڭ عىلىمي ورتالىقتارى مەن زەرتحانالارىن ارالاپ، عالىمدار ازىرلەگەن يننوۆاتسيالىق جوبالاردىڭ ناتيجەلەرىمەن تانىستى.

دەلەگاتسيا قۇرامىندا اكادەميانىڭ ۆيتسە-پرەزيدەنتى اماندىق تولەشوۆ، اكادەميك تىنىسبەك قالمەنوۆ، ميكروبيولوگيا جانە ۆيرۋسولوگيا عىلىمي-وندىرىستىك ورتالىعىنىڭ باس ديرەكتورى، پروفەسسور امانگەلدى سادانوۆ، قازاقستاننىڭ ەڭبەك سىڭىرگەن قايراتكەرى، پەداگوگيكا عىلىمىنىڭ دوكتورى الما ابىلقاسىموۆا، حيميا عىلىمىنىڭ دوكتورى، پروفەسسور گريگوري مۋن، پروفەسسور ايدارحان قالتاەۆ، جوو مەن عزي باسشىلارى مەن كورنەكتى اكادەميكتەر بار.

سۋرەت: adyrna.kz سايتىنان الىندى.

الدىمەن قۇرمەتتى قوناقتار گەوگرافيا جانە تابيعاتتى پايدالانۋ فاكۋلتەتىندە جاڭادان اشىلعان «تۇراقتى دامۋ جانە تابيعاتتى ۇتىمدى پايدالانۋ» عىلىمي ورتالىعىنا باردى. قۇرامىنا 10 عىلىمي زەرتحانا كىرەتىن ورتالىق قورشاعان ورتانى قورعاۋ بويىنشا مونيتورينگ جۇرگىزەدى. ياعني مۇنداعى ماماندار سۋ، توپىراق، تۋريزم، گەودەزيا، لاندشافتتاردىڭ ساپاسىن تالداۋ باعىتىندا جۇمىس ىستەيدى.

سۋرەت: adyrna.kz سايتىنان الىندى.

كەيىن دەلەگاتسيا مۇشەلەرى «قاشىقتىقتان زوندتاۋ تەحنولوگياسى جانە قولدانۋ» بىرلەسكەن قازاق-قىتاي زەرتحاناسىن كورىپ، قازۇۋ-دا ورناتىلعان سۋپەركومپيۋتەردىڭ اتقارار نەگىزگى قىزمەتىمەن تانىستى. ورتالىق ازياداعى ەڭ قۋاتتى سانالاتىن سۋپەركومپيۋتەر مەملەكەت باسشىسى قاسىم-جومارت توقاەۆ پەن قىتاي حالىق رەسپۋبليكاسىنىڭ توراعاسى سي ءتسزينپيننىڭ كەلىسىمى اياسىندا قازۇۋ-عا قويىلعان بولاتىن. الەمدەگى ەڭ ۇزدىك 600 سۋپەركومپيۋتەردىڭ تىزىمىنە كىرەدى. جوعارى تەحنولوگيالىق قۇرىلعى ۋنيۆەرسيتەتتىڭ ەسەپتەۋ تەحنيكاسى سالاسىنداعى مۇمكىندىكتەرىن ەداۋىر كەڭەيتە وتىرىپ، عىلىمي زەرتتەۋلەردىڭ تيىمدىلىگى مەن دالدىگىن ارتتىرادى. سونداي-اق جاساندى ينتەللەكت تەحنولوگيالارىن، كۇردەلى ەسەپتەۋلەردى شەشۋ جانە جاساۋ، IoT-وبەكتىلەردى باسقارۋ جانە ۇيىمداستىرۋ، Smart-تەحنولوگيالار وبەكتىلەرىن باسقارۋ جونىندەگى باعدارلامالىق قامتاماسىز ەتۋدى ازىرلەۋ ءۇشىن قولدانىلادى.

سۋرەت: adyrna.kz سايتىنان الىندى.

سۋرەت: adyrna.kz سايتىنان الىندى.

قۇرمەتتى قوناقتار جوعارى وقۋ ورنىنىڭ 90 جىلدىعىنا وراي بوي كوتەرگەن «Farabi Hub» يننوۆاتسيالىق ونىمدەر مەن جوعارى تەحنولوگيالىق جوبالار ورتالىعىن دا ارالاپ كوردى. حابتا اكادەميكتەرگە زەرتحانالار مەن ورتالىقتاردىڭ عىلىمي ناتيجەلەرى باياندالىپ، عالىمداردىڭ يننوۆاتسيالىق جوبالارى تۋرالى اقپارات بەرىلدى.

سۋرەت: adyrna.kz سايتىنان الىندى.

سۋرەت: adyrna.kz سايتىنان الىندى.

سونداي-اق فارابي روبوتوتەحنيكا ورتالىعىنىڭ ماماندارى دەلەگاتسيا مۇشەلەرىنە ءارتۇرلى سالالارعا ارنالعان روبوتتى جۇيەلەردى ازىرلەۋ جانە ەنگىزۋدەگى جەتىستىكتەردى كورسەتتى. ونەركاسىپتىك روبوتوتەحنيكا جانە روبوتتاندىرۋ سالاسىنداعى ينجەنەرلىك قۇزىرەتتەر ورتالىعى دۇنيەجۇزىلىك بانكتىڭ جوباسى شەڭبەرىندە قۇرىلدى. مۇندا گەرمانيانىڭ بەلگىلى «KUKA» كومپانياسىنىڭ روبوتتارى قويىلعان.

سۋرەت: adyrna.kz سايتىنان الىندى.

سۋرەت: adyrna.kz سايتىنان الىندى.

دەرەككوزى: adyrna.kz

Abai.kz